-शिवम गुप्ता, नेपालगन्ज
बाँकेमा बैङ्किङ कसुर मुद्दामा संलग्न भएका एकजना फरार व्यक्ति पक्राउ परेका छन्
जिल्लाको कोहलपुर नगरपालिका-११ का ३८ वर्षीय विष्णु जिवन धिताललाई पक्राउ गरिएको प्रहरीले जनाएको छ ।
जिल्ला प्रहरी कार्यालय बाँकेका प्रमुख श्याम कृष्ण अधिकारीका अनुसार पक्राउ परेका विष्णु जिवन धिताललाई बाँकेको जिल्ला अदालतले बैङ्किङ कसुर मुद्दामा २०७७ फागुन १२ गतेको फैसलाले ३ दिन कैद र दुई लाख ८० हजार जरिवाना सहित सजाय सुनाईएको थियो ।
फरार धिताललाई जिल्ला प्रहरी कार्यालय बाँकेबाट खटिएको प्रहरी टोलिले आज पक्राउ गरी जिल्ला अदालत बाँकेमा बुझाउने तयारी भईरहेको प्रहरीले जनाएको छ ।
