नेकपा एमालेका सांसद सुवास नेम्वाङले प्रधानमन्त्री चयन गर्ने सर्वाेच्च अदालतकाे फैसलाले धेरैवटा कुराहरुमा प्रश्न उब्जाएकाे बताएका छन् । प्रतिनिधिसभाको शुक्रबारको बैठकमा बोल्दै नेम्वाङले देशमा कस्तो सिष्टम बसाउने र देशलाई कतातिर लैजाने भन्नेबारेमा अब प्रधानमन्त्री शेरबहादुर देउवाले नेतृत्व र पहल गर्नुपर्नेबेला आएको बताए ।
सर्वाेच्च अदालतको फैसलाले शासन प्रणाली,शक्ति पृथकिकरण,नियन्त्रण र सन्तुलनको सिद्धान्त,सार्वभमसक्ता र राजकीय सक्ता नेपाली जनतामा निहित रहेको संविधानको आधारभूत प्रस्तावना लगायतका मुलभूत कुराहरुसलाई गम्भीर तुल्याएको बताए । नियन्त्रण र सन्तुलनको सिद्धान्त बमोजिम सबै अंगहरुबीच समन्वय र सन्तुलन हुन सक्नुपर्नेमा जोडदिए । राज्यका तीन अंगहरुकाबीचमा सर्वाेच्च अदालतको फैसलाबाट सन्तुलन खल्बलिन पुगेको भन्दै यो स्थिति यसरी नै अगाडि बढ्दै जाने हो भने ठिक नहुने नेता नेम्वाङले बताए ।
ताजा जनादेशमा जाने कुरालाई निरंकुश भन्न नमिल्ने बताए । उनले नेपालको लोकतान्त्रिक आन्दोलनको प्रमुख माग भनेको पार्टी स्वतन्त्रता र बहुदलीय पद्धतीको स्थापना भएको चर्चा गरे । जुन दलको नाममा भोट प्राप्त गरेर आयो,त्यो भोट प्राप्त गरेर आउने प्रतिनिधिको अवस्था के हुन्छ भनि प्रश्न गर्दै उनले यसकोबारेमा सर्वाेच्च अदालतको फैसला ठिक नभएको बताए ।
उनले एउटा दलबाट निर्वाचित भएर आएका सांसदहरु सभामुखको दाहिने र देब्रेपट्टी बराबरी बस्न सक्ने अवस्था हुन्छ कि हुँदैन भन्दै त्यसरी दुईठाउँमा बस्ने स्थिति भयो भने त्यो अप्ठयारो स्थिति हो कि होेइन ?भनि प्रश्न समेत गरे ।
अव बाँकी रहेको सदनको अवधि प्रधानमन्त्रीले देशलाई हाँकेर लैजानु पर्ने स्थितिछ भन्दै त्यसको लागि नेम्वाङले प्रधानमन्त्रीलाई बधाईसमेत दिए । उनले अब आफूहरु जिम्मेवार प्रतिपक्षीको भूमिकामा प्रस्तुत हुने समेत बताए ।
अब आफूहरुले सरकार कहिले के कसो गरिरहेको छ भन्नेबारेमा हेर्ने र प्रत्येक मन्त्रालयको अनुगमन गर्ने बताए । उनले गलत ठाउँमा गलत भन्दै प्रधानमन्त्री र सरकारलाई सहयोग गर्ने पनि बताए । प्रधानमन्त्री देउवाप्रति इंगित गर्दै भने हामी तपाईको पार्टीसँग तपाई मार्फत सम्बन्ध विस्तार गर्छाैं तपाईका पार्टीका अरुसँग छुट्टै गठबन्धन गर्र्दैनौं ।
