काठमाडौ । जसपाका कार्यकारिणी सदस्य रेशम चौधरी निर्वाचन आयोग पुगेका छन्। जसपामा आधिकारिकता विषयमा विवाद हुँदा निर्वाचन आयोगले हेड काउन्टका लागि ५१ सदस्यीय कार्यकारिणी सदस्यलाई सनाखतका बोलाए अनुसार चौधरी निर्वाचन आयोग पुगेका हुन्।
डिल्लीबजार कारागारबाट निर्वाचन आयोग पुगे पनि कार्यकारिणी समिति सदस्य चौधरीले तटस्थ बस्ने बताएका छन्। उनले आफू दुबै पक्षमा नखुल्ने भन्दै तटस्थ बसेका हुन् । उनले आफूहरूको छुट्टै मुद्दा र समस्या रहेको जिकिर गर्दै नेताहरूले यसबारे के गरिरहेको छ भनेर बुझ्ने र त्यसपछि मात्र सनाखतबारे निर्णय लिने बताए।
उनलाई सोमबार दिउँसो निर्वाचन आयोग पुर्याइएको हो। यसअघि उनको हस्ताक्षर जेलबाटै सनाखत गर्ने तयारी थियो। आयोगले पनि जेलमै गराउन पत्र पठाएको थियो।
