टोकियोमा हालसम्मकै उच्च सङ्क्रमित

ग्रीष्मकालीन ओलम्पिक जारी रहँदा जापानको टोकियोमा गएको चौबीस घण्टामा हालसम्मकै सबैभन्दा बढी सङ्क्रमित पुष्टि भएको छ । गएको चौबीस घण्टामा थपिएका सङ्क्रमित एक साता अघिको भन्दा दोब्बर हो ।
अन्तर्राष्ट्रिय सञ्चारमाध्यमहरुका अनुसार गएको चौबीस घण्टामा तीन हजार ८६५ जनामा सङ्क्रमणको पुष्टि भएको हो । गत् बुधबार पहिलो पटक तीन हजार १७७ सङ्क्रमितको पहिचान भएको थियो । टोकियो महानगरका अधिकारीहरुले हाल ८१ जनाको अवस्था गम्भिर रहेको जनाएको छ । बुधबार ८० जना सङ्क्रमितको स्वास्थ्य अवस्था गम्भिर रहेको थियो ।