बुद्धभुमी नगरपालिकाको १० औ नगरसभा

कपिलवस्तु २० पुस
कपिलवस्तुको बुद्धभुमी नगरपालिकाको १० औ नगरसभा गोरुसिंगमा संपन्न गरिएको छ । सभाले ९ औसभाका बिभिन्न योजना र कार्यक्रमहरु संशोधन समेत गरेको छ । यस्तै सहकारी ऐन २०७५ समेत सभामा संशोधन भएको नगर प्रमुख केशव कुमार श्रेष्ठले बताए । बुद्धुभुमी नगरपालिकामा समायोजन भई आएका कर्मचारीहरुको स्तरबद्धि तह बृद्धि सम्बन्धमा ब्यवस्था गर्र्न बनेको बिधेयक २०७८ समेत छलफलका लागि पेश भएको थियो । सो बिधेयक आउने पुस २५ गते बस्ने सभामा अध्ययन पछि पारित गरिने प्रमुख श्रेष्ठले बताए ।
कार्यक्रममा नऔ नगर सभाबाट पारित योजना तथा कार्यक्रमको संशोधनकालागि उप मेयर मीरा थारुले प्रस्तुत गरेकी थिईन । यस्तै कोभिड, लकडाउन र भारी बर्षका कारण समयमै काम हुन नसकेको २७ योजनाहरु यस आबमा संपन्न गर्ने गरी भुक्तानी दिने समेत सभाले निर्णय गरको छ । सो अवसरमा मेयर श्रेष्ठले साढे ४ बर्षको अवधि पार गरीसकेको बेला नगरपालिकामा विकास निर्माणकोे काम अघि बढेको बताए । उनले बुढ्ढी तालको विकासको काम, ब्ुढ्ढी टिक्कर सडक र स्वास्थय चौकीको निर्माण कार्य अघि बढेको बताए ।
यस्तै २१ करोड लागतको १५ शैय्याको अस्पताल नगरपालिका वडा नम्बर २ स्थित बडहरामा बन्ने गरी टेन्डर निकाल्ने प्रकृया अघि बढेको बताए । उनले नगरपालिकामा पुजीगत खर्चको स्तरलाई बढाउनु पर्ने बताए । कार्यक्रममा प्रमुख प्रशाकीय अधिकृत केशवराज सुेबदीले नगरपालिकाको प्रगति बिवरण सुनाएका थिए ।