टोकियो/जापान ।
आज(जनवरी २५ तारिख) जापानमा एकैदिन ६२ हजार ६ सय १२ जनामा कोरोना संक्रमण पुष्टि भएको छ । यसरी एकैदिन यति धेरै व्यक्तिहरुमा कोरोना संक्रमण भएको यो पहिलो पटक हो ।
आज जापानमा देखिएको उच्च संक्रमण संख्यासंगै ३९ जना कोरोना संक्रमितहरुको निधन भएको छ ।पछिल्लो समय उच्च संक्रमण देखिएता पनि मृत्युदर भने कम रहँदै आएको थियो । तर आज भने तुलनात्मकरुपमा मृत्युदर पनि बृद्धी भएको छ ।
जापानमा हालसम्म,२२ लाख ८८ हजार ३ सय ६२ जनामा कोरोना संक्रमण पुष्टि भएको छ भने,१८ हजार ५ सय ८० जनाको निधन भएको छ । संक्रमित मध्ये १८ लाख ३९ हजार ५ सय ७४ जनाले स्वास्थ्य लाभ लिएका छन् ।