काठमाडौं । निर्वाचन आयोगले स्थानीय तहको निर्वाचनका लागि दल दर्ताको आह्वान गरेको छ । दल दर्तासम्बन्धी आह्वानको सूचना भोलि बिहीबार प्रकाशित हुने आयोगका एक आयुक्तले जानकारी दिए ।
‘भोलिदेखि लागु हुने गरी १० दिनको समय दिने तय भएको छ,’ ती आयुक्तले भने, ’भोलि आयोगले सूचना जारी गर्छ ।’ आयोगले निर्वाचन प्रयोजनका लागि फागुन १५ गतेसम्म दल दर्ताको समय दिने निणर्य गरेको हो । आयोगमा हाल सयभन्दा बढी दल दर्ता छन् ।
निर्वाचन आयोगले थाल्यो सामग्री खरिद प्रक्रिया
निर्वाचन आयोगले निर्वाचन सामग्री खरिद प्रक्रिया सुरु गरेको छ । आयोगले मतपत्रका लागि आवश्यक पर्ने कागज खरिदका लागि बोलपत्र आह्वान गरेको छ ।
आयोगको आज सूचना जारी गर्दै बोलपत्र आह्वान गरेको हो । ‘स्थानीय तहको निर्वाचनका लागि आवश्यक पर्ने मतपत्रको कागजका लागि बोलपत्र आह्वान गरिएको हो’, आयोगका सहायक प्रवक्ता सुर्य प्रसाद अर्यालले भने ।
हेर्नुस् सूचना
