कपिलवस्तुको कृष्णनगर नगरपालिकाले नागरिकलाई उनीहरूको घर दैलोमै नगरको सेवा प्रवाह गरेको छ ।
नगरपालिकाका शाखाहरूबाट प्रवाह हुने सेवाहरू जनतालाई सहज होस भन्दै नगरपालिकाले एकीकृत घुम्ती शिविर सञ्चालन गरी वडा कार्यालयबाट नगरको सम्पूर्ण सेवाहरू प्रवाह गरेको हो ।
एकीकृत घुम्ती शिविरको सुरुवात गर्दै नगर प्रमुख रजतप्रताप साहले जनतालाई उनीहरूको घर आगनमै पुगेर सेवा दिने लक्ष्यसहित कार्यक्रम सुरुवात गरेको बताए ।
नगरपालिकाले सोमबार एकीकृत घुम्ती शिविर नगरको वडा नं. १२ बाट सुरुवात गरेको छ । वडा कार्यालयमा नगरपालिकाका सबै शाखाहरूबाट हुने काम कारबाही वडाबाट प्रवाह गरेको हो ।
एकीकृत घुम्ती शिविरमा नगरले शाखा स्थापना गरी वडाका सेवाग्राहीलाई सेवा प्रदान गरेको हो ।
