कपिलबस्तुमा पाँचौ नगरस्तरिय राष्ट्रपति रनिङ शिल्ड प्रतियोगिता सुरु

कपिलबस्तु, पुस ५ गते । “स्वास्थ्यका लागि खेलकुद, राष्ट्रको लागि खेलकुद, अनुशासनको लागि खेलकुद, पहिचानको लागि खेलकुद” भन्ने मुल नाराका साथ पाँचौ नगरस्तरिय राष्ट्रपति रनिङ शिल्ड प्रतियोगिता सुरु भएको छ । प्रतियोगिता कपिलबस्तु नगरपालिकाको आयोजनामा पुस ५ गते देखि ८ गते सम्म बुद्धपद्म माविको खेलमैदानमा सुरु भएको हो ।
शिक्षा जस्तै खेल पनि भएकोले जसरी शिक्षा ग्राहण गरेर असल व्यक्ती बन्नु हुन्छ भने राम्रो खेलाडी भएर पहिचान हुन्छ र असल खेलाडी बन्ने प्रदेश सभा सदस्य सुधाकर पाण्डेयले बताउनुभयो । उहाँले भन्नुभयो “आज तपाई नगरस्तरिय खेलमा प्रतिस्पर्धा गर्दै हुनुहुन्छ भने पछि गएर प्रदेश, राष्ट्रिय र अन्र्तराष्ट्रियमा गर्नेे बताउनुभयो ।”
गत बर्ष जस्तो घटना नहोस् भनेर यस वर्ष कबड्डीलाई हटाएर भलिवल र एथलेटिक्स खेल राखेको खेलका प्रविधिक संयोजक राजेश शाक्यले बताउनुभयो । भलिबलमा छात्र छात्रा, एथलेटिक्समा पनि छात्र छात्रा राखेको उहाँले बताउनुभयो । टोटल २३ वटा स्वार्ण पदक, २३ वटा रजत र २३ वटा काश्य पदकको लागि प्रतियोगिता गर्ने संयोजक शाक्यले बताउनुभयो ।
नगरपालिकाका २३ विद्यालयका विद्यार्थीहरुको सहभागिता रहेको छ । कार्यक्रममा माच पास सँगै नाचगान पनि भएको थियो । प्रथम तृतिय र तेस्रो स्थान प्राप्त गर्ने खेलाडीहरुका लागि शिल्ड, ट्रफि, मेडल र प्रमाण वितरण गरिने छ ।
कार्यक्रममा कपिलबस्तु नगरपालिकाका प्रमुख प्रशासकिय अधिकृत शेषकान्त पौडेल, शिक्षा शाखा प्रमुख हरि प्रसाद ज्ञावाली, शिक्षा तथा समन्वय इकाईका प्रमुख थानेश्वर घिमिरे, कपिलबस्तु नगरपालिका वडा नं. १ का वडाध्यक्ष मो जाहिद खाँ, वडा नं. का वडाध्यक्ष प्रकाश गैरे, वडा नं. ४ का वडाध्यक्ष रविन्द्र तिवारी, वडा नं. ६ का वडाध्यक्ष रामजित कुर्मी, वडा नं. १० का वडाध्यक्ष माहन लाल शर्मा, वडा नं. ११ का वडाध्यक्ष राम गोपाल यादव, जिल्ला खेलकुद विकास समितिका अध्यक्ष राजेश उपाध्यय, जसपा नेता अब्दुल रसिद खाँ, गुणाखर गैह्रे लगायत विभिन्न विद्यालयका प्रअ तथा शिक्षक लगायतको सहभागिता रहेको थियो ।
कपिलबस्तु नगरपालिकाका सामाजिक विकासका संयोजक दिरेप चौधरीको अध्यक्षतामा भएको कार्यक्रमको सञ्चालन युवराज भुषालले गर्नु भएको थियो ।