कपिलवस्तुको चन्द्रौटामा शनिवार ६८ जनाले रक्तदान गरेका सब डिभिजन बन कार्यालय खरेन्द्रपुरका प्रमुख एजाज अन्सारीले बताउनुभयो । रक्तदान जिवनदान भन्ने नारा सहित सब डिभिजन बन कार्यालय खरेन्द्रपुरको आयोजनामा रक्तदान कार्यक्रम भएको हो ।
डिभिजन बन कार्यालय गौतमबुद्धको प्राङगणमा भएको कार्यक्रम नेपाल मुस्लिम आयोगका सदस्य मिर्जा अर्सद बेगले रगत दिदैमा मानिसको जिवनयापनमा कुनै समस्या नहुने बताउनुभयो ।
एक थोपा रगतले कसैको ज्यान बच्न सक्ने भएकोले रगत दिन कन्जुसाई नगर्न उहाँले आग्रह गर्नुभयो । रक्तदानले मानिस स्वथ्य बन्न सक्ने बताउँदै नागरिकहरु उत्साजनक रुपमा सहभागि हुनुपर्ने बताउनुभयो ।
कार्यक्रममा प्रदेश सभा सदस्य अर्जुन कुमार केसीले सब डिभिजन बनले यसरी सामाजिक काम गरेको भन्दै प्रशंसा गर्नुभयो । वन संरक्षण सगै मानिसको जिवन बचाउनु समेत भुमिका खेलेको बताउँनुभयो । रक्तदान सबै नागरिकहरुले गर्नुपर्ने भन्दै यसमा डर त्रास हुन नहुने बताउनुभयो ।
सब डिभिजन बन कार्यालय खरेन्द्रपुरका प्रमुख एजाज अन्सारीले रक्तदानमा सहभागिहरुलाई धन्यवाद दिनुभयो । नागरिकहरुको प्रत्येक्ष जिवन सग जोडिएको तथा आजको आवश्कता रक्तदान रहेकोले उक्त कार्यक्रम गरिएको बताउनुभयो । रक्तदान कायर्कममा स्थानीय राजनितिकदल,संघ सस्था,समाजसेवि सुरक्षाकर्मी लगायतको सहभागिता रहेको थियो ।
चन्द्रौटामा ६८ जनाले रक्तदान गरे
