पुर्वाधार सहित शिक्षा र स्वास्थ्य मुख्य प्राथमिक्तामाः नगर प्रमुख शाह

कपिलवस्तु, २५ पुस
कपिलवस्तुको कृष्णनगर नगरपालिकाका नगर प्रमुख रजत प्रताप शाहले पुर्वाधार सहित शिक्षा र स्वास्थ्य प्राथमिक्तामा राखेको बताउनुभएको छ । नगर प्रमुख शाहले नगरको सार्वजनिक सम्पतिको संरक्षण, स्थानीय बजार व्यवस्थापन, बिकासशिल योजन सहित अघी बढेको बताउनु भएको छ ।
कृष्णनगर नगरपालिकाको नवौं नगरसभालाई सम्बोधन गर्दे नगरप्रमुख शाहले छाडा चौपाया व्यवस्थापन, कृषकको लागि मल विउको उपलब्धता गर्ने प्रतिवद्धता व्यक्त गर्नुभयो ।
कृष्ण्ननगर नगरपालिकाको नगर सभामा नगरले गरेको कार्य प्रगती समेत प्रस्तुत गरिएकोे थियो । शिक्षाको गुणस्तर कायम, स्वास्थ्य क्षेत्रमा आपेक्षित सुधार, बस पार्क व्यवस्थापन, सार्वजनिक क्षेत्रको अतिक्रमण हटाउन, नगरबासीको शान्ति सुरक्षा स्थापना लगायतको प्रताव नगरसभाबाट पारित गरिएको छ ।
नगर प्रहरीको दरबन्दी स्वीकृत गरी चालू आर्थिक बर्षबाटै परिचालन गरिने थप योजनाबारे नगरसभामा प्रस्तावहरु नगरसभाबाट पारित भएको नगरपालिकाप्रमुख प्रशासकिय अधिकृत इश्वरी प्रसाद शर्माले बताउनुभयो ।
त्यस्तै चालू आर्थिक बर्षमा चालू आ.ब. २०७९।८० मा नगरपालिकाको रु ७६ करोड ३२ लाख मध्ये रु ४४ करोड २७ लाख खर्च भएको भएको प्रतीवेदन प्रस्तुत गरिएको थियो ।