बुद्धभुमी नगरपालिकाकाको राष्ट्रपति रनिङ शील्ड माबि ईमिलियालाई

कपिलवस्तु २५ पुस
कपिलवस्तुको बुद्धभुमी नगरपालिकाको यस बर्षको राष्ट्रपति रनिङ शील्ड माबि ईमिलिया र मेयर कप फुटवलको उपाधि वडा नम्बर ९ ले जितेको छ । माबि ईमिलिया समेत वडा नम्बर ९ मै पर्छ । उपाधिसंगै माबि ईमिलियाले १५ हजार नगद सहीत शिल्ड र प्रमाण पत्र हात परेको छ । यस्तै मेयर कप उचालेको वडा नम्बर ९ ले कप सहीत नगद ३० हजार पाएको छ । यस्तै रनिङ शील्डमा दोश्रो स्थान भएको जन कल्याण माबि बकुलीपुरले १० हजार र तेश्रो भएको सिद्धार्थ स्मारक माबि भेलाईले नगद ८ हजार पाएको छ ।
यस्तै मेयरमा दोश्रो भएको वडा नम्बर ३ ले नगद २० हजार र तेश्रो भएको वडा नम्बर १ ले १० हजार पाएको छ । बिजयी भएका खेलाडीलाई शील्ड कप, मेडल, प्रमाण पत्र सहीत नगद मेयर केशव कुमार श्रेष्ठले हस्तान्तरण गरेका थिए । यस्तै मेयर कप छात्रा सय मिटरको दौडमा आधारभुत बिद्यालय बक्डरियाकी रेजिना थारु प्रथम, कपिलवस्तु राष्ट्रिय माबिकी करिश्मा कुर्मी द्धितीय र नेरामाबि चौरीकी अन्जली थारु तृतीय भए ।
यस्तै मेयर कप सय मिटर दौड छात्र तर्फ आर्दश बोडिङ स्कुलका बिनोद थारु प्रथम, सिद्धार्थ स्मारक माबिका सुभाष थारु द्धितीय र सोसल बोडिङ स्कुलका सचिन कलवार तृतीय भए । मेयर कप २ सय मिटर दौड छात्रा तर्फ कपिलवस्तु राष्ट्रिय माबिकी करिश्मा कुर्मी प्रथम, नेरामाबिकी अन्जली थारु द्धितीय आर्दश आधारभुत बिद्यालयकी रेजिना थारु तृतीय भए । मेयर कप २ सय मिटर छात्र तर्फ आर्दश बोडिङ स्कुलका बिनोद थारु प्रथम, सिद्धार्थ स्मारक माबिका अनिश थारु द्धितीय र माबि महुवा बाबाका पप्पुगोडिया तृतीय भए ।
कक्षा १ देखि ८ सम्मको लङ जम्प छात्रा तर्फ आर्दश बिद्यालयकी रेजिना थारु प्रथम जन कल्याण माबिकी ईन्द्रमति यादव द्धितीय र कपिलवस्तु माबिकी मनिता खरबिन्द तृतीय भए । यस्तै छात्र तर्फ माबि निमडाडाका सुखराम थारु प्रथम, माबि ईमिलियाका बिराज सुनार द्धितीय र माबि महुवा बाबाका कैलाश कुर्मी तृतीय भए ।
उशु तर्फ पनि बिभिन्न बिद्याका बिजयी खेलाडीलाई पुरस्कृत गरिएको थियो । पुरस्कार बितरण समारोहमा नगरपालिका उप सचिव लिल बहादुर राउत , शिक्षा शाखाका कृष्ण प्रसाद भट्टराई लगायतको सहभागीता थियो । प्रतियोगीता पुस १९ देखि पुस २४ सम्म चलेको थियो ।