राष्ट्रिय माविको सार्वजनिक सुनुवाइ सम्पन्न

कपिलवस्तु पुस २६ ,
कपिलवस्तुको चन्द्रौटामा रहेको राष्ट्रिय माध्यमिक विद्यालयमा सार्वजनिक सुनुवाइ सम्पन्न भएको छ । इभेन्ट परियोजना अन्तरगत सन्चालन भएको कार्यक्रमको बारेमा सार्वजनिक सुनुवाइ कार्यक्रम सम्पन्न भएको हो ।
व्यावसायिक शिक्षा तालिम अभिबृद्धी परियोजना दोस्रो अन्रगत गुणस्तर सुधार अनुदान कार्य सम्पन्न प्रतिवेदन अनुसार सार्वजनिक सुनुवाइ आयोजना गरिएको विद्यालयका प्रधानाध्यपक बलदेव लमिक्षानेले बताउनुभयो ।
विद्यालयले बार्षिक रुपमा सुचारु गरेको कार्यक्रमको बारेमा कार्यक्रममा सहभागीहरुेले जिज्ञासा राख्नुभएको थियो । विद्यालयले सिसिटीभी, बोर्ड, क्यामेरा, अवलोकन भम्रण, इलेक्ट्रोनिक सामाग्री खरिद, लगायतको बारेमा पारदर्शिता कायम गर्नका लागि सार्वजनिक सुनुवाई कार्यक्रम आयोजना गरेको थियो ।
सार्जजनिक सुनुवाई कार्यक्रमलाई सम्बोधन गर्दै शिवराज नगरपालिका नगर प्रमुख अजय थापाले नगरले निशुःल्क शिक्षाका लागि पहल गरेको बताउनुभयो । विद्यालयको सार्वजनिक सुनुवाई हुनु सकारात्मक पक्ष भएको नगर प्रमुख थापाको भनाई रहेको थियो ।
कार्यक्रममा शिवराज नगरपालिका पुर्व मेयर नेत्रराज अधिकारीले विद्यालयलाई नमुनाको रुपमा विकासित गर्नुपर्ने बताउनुभयो ।
राष्ट्रिय माध्यमिक विद्यालय व्यवस्थापन समितिका अध्यक्ष हुमकान्त खनालले विद्यालयमा शैक्षिक गुणस्तरलाई सुधार गर्ने अघी बढेको बताउनुभयो । विद्यालयको भौतिक पुर्वाधार निर्माण लगायतमा स्थानियको सहयोग आवश्यक रहेको बताउनुभयो ।
सो कार्यक्रममा नेपाली कांग्रेस शिवराज नगर सभापती मधु सुदन पोख्रेल, माओवादी केन्द्रका नगर उपाध्यक्ष चिन्ता परियार, जनमत पार्टीका नगर अध्यक्ष बालजी यादव, लोसपाका नगर अध्यक्ष राम नेवास मौर्या, व्यापार सघंका अध्यक्ष महादेव पोख्रेल, विद्यालय व्यवस्थापन समितिका सदस्य, शिक्षक र विद्यार्थीको सहभागीता रहेको थियो ।