नेपालमै पहिलो पटक वैज्ञानिक वन व्यवस्थापनको कार्ययोजना अनुसार कार्य गरेको तिलौराकोट साझेदारी वन व्यवस्थापन समुहको अध्यक्षमा जय प्रकाश पाण्डेय निर्वाचित भएका छन । सातौं साधारणसभा तथा अधिबेशनमा कुल १ सय ८१ मत खसेकोमा १ सय ८ मत पाउदै पाण्डेय अध्यक्षमा निर्वाचित भएका हुन ।
त्यसै गरि अध्यक्षका प्रतिश्पर्धिहरु रामअचल यादवले ४३ र बसन्त गिरीले २३ मत पाएका थिए । त्यसै गरि उपाध्यक्षमा ६५ प्राप्त गरि तारावती चौधरी निर्वाचित भएकी छन उनका प्रतिश्पर्धि गिता कुमारी श्रीवास्तवले ३९ मत, रोशनी चौधरीले २२ मत, मिना सिंह चौधरीले २१ मत, सुनरिया थारुले १७ मत र धुपम मिश्रले १२ मत प्राप्त गरे ।
त्यसै गरि २८ सदस्यिय जनप्रतिनिधी तर्फबाट उपाध्यक्षमा मोहम्मद जाहिद खाँ निर्वाचित भएका छन । मुल समितिमा वडा जनप्रतिनिधीबाट सरिता त्रिपाठी, हृदयराम यादव र चन्द्र प्रकाश दुवे निर्वाचित भए । वडा प्रतिनिधीबाट मुल समिति सदस्यमा कपिलवस्तु नगरपालिकाका १२ वडाहरुका रिना लोध, हरिराम यादव, बलराम प्रसाद तिवारी, अल्ताफ हुसेन मुसलमान, बिनय कुमार चौधरी, जुबेर अहमद खाँ, दिप कुमार चौधरी, जयप्रकाश पाण्डेय, मधुसुदन भट्टराई, गोबिन्द अहिर, शोहरता पासी र गोबद्र्धन प्रसाद तेली निर्वाचित भएका थिए ।
यशोधरा गाउँपालिकाको ८ वडाबाट क्रमश स् मोहम्मद खलिल मुसलमान, नेजाम अहमद, रामचन्द्र पाण्डेय, चन्द्रहरी चौधरी, ईलियास खाँ, बृजबिन्द कुमार जयसवाल, हरिश्चन्द्र पाठक र जुगुरा तेली, बाणगंगा नगरपालिकाका ३ वटा वडाबाट ज्ञान बहादुर कार्की, सन्तोष प्रताप राणा र भिम बहादुर थापा मुल समितीका लागी निर्वाचित भए । त्यसै गरि मायादेवी गाउँपालिकाका ३ वडाबाट रिखेश्वर प्रसाद बरई, राजु यादव र शारदा प्रसाद पाण्डेय तथा बुद्धभुमीको २ वडाबाट मोहन पाण्डे र सहाबुद्दिन मुसलमान निर्वाचित भएको निर्वाचन समिती संयोजक प्रेमीलाल प्रसाद साहले जानकारी दिए ।
यस अघि तौलिहवामामा सम्पन्न साधारणसभा साझेदारी वनका संयोजक जय प्रकाश पाण्डेय र डिभिजन वन अधिकृत बिजयराज सुवेदीले प्रदेश सरकारले जारी गरेको वन सम्बर्धन प्रणालीमा आधारित वन व्यवस्थापनको निती अनुसारको कार्यक्रम अगाडी बढाउन अधिबेशन र साधारणसभाले सहयोग गर्ने बिचार व्यक्त गरेका थिए ।
