कपिलवस्तुकै दोश्रो भन्सार नाका सुठौलीमा चालु आर्थिक बर्ष २०७९/०८० मा राजस्व असुली निराशाजनक देखिएको छ। सुठौली भन्सारमा धान आयात नहुँदा चालु आर्थिक बर्ष २०७९/०८० मा बार्षिक लक्ष्यको २२ दशमलव ७९ प्रतिशत मात्र राजस्व संकलन भएको हो।
चालु आर्थिक बर्षका लागि भन्सारलाई २ अर्व ७ करोड ९७ लाख २७ हजार लक्ष्य तोकिएको छ। भन्सारमा ६ महिनाका लागि तोकिएको लक्ष्यको भने ४५ दशमलव ६२ प्रतिशत संकलन भएको हो। भन्सारमा चालु आर्थिक बर्षको ६ महिनाका लागि १ अर्व ३ करोड ८५ लाख ८६ हजार तोकिएकोमा पुस मसान्त सम्म ४७ करोड ३८ लाख ७० हजार मात्र संकलन भएको निमित्त भन्सार प्रमुख जीवन केसीले बताए।
चालु आर्थिक बर्षका लागि सरकारले मुलुकको कृष्णनगर नाकासहि चार ठूला नाकाबाट मात्र धान आयत गर्न पाउने प्रावधान बनाएकाले त्यसको सिधा असार यहाँको भन्सार असुलीमा परेको केसीले बताए। ४ बर्ष अघि स्तरोन्नती गरिएको सुठोली भन्सार नाकाबाट अहिले विगतको तुलनामा मालसामान कम मात्र आयत भएको छ। यहाँको विगत बर्षहरुमा धान चामल गहुँ,टायल्यस लगायतका सामाग्रीहरु भारतबाट आयत हुने गथ्र्यो। भारतका धान र गहुँमा २० प्रतिशत कर लागाएपछि त्यसको असर नेपालका भन्सारमा परेको केसीले बताए। अहिले चार नाकाबाट मात्र धान आयात गरिएकाले यहाँबाट धान आयात हुँदैन। ‘विगत बर्षहरुमा यहाँको मुख्य आम्दानी भनेकै धानको आयत थियो तर अहिले त्यो आयात रोकिएको छ’ उनले भने।
भन्सारमा चालु आर्थिक बर्षको कुनै पनि महिनामा लक्ष्य अनुसार राजस्व संकलन भएको छैन। साउनमा १४ करोड ७३ लाख लक्ष्य रहे पनि ४४ दशमलपव ५३ प्रतिशत अर्थात ६ करोड ५६ लाख मात्र राजस्व संकलन भएको थियो। भदौमा १७ करोड ४२ लाखको लक्ष्य रहेकोमा ३७ दशमलव ३३ प्रतिशत ६ करोड ५० मात्र राजस्व उठेको छ। असोजमा १७ करोड ५३ लाखको लक्ष्यमा २७ दशमलव ६१ अर्थात ४ करोड ८४ लाख उठेको छ।
कार्तिकमा १६ करोड ६४ लाखको लक्ष्यमा ५५ दशमलव १९ प्रतिशत ९ करोड १८ लाख संकलन भएको छ। मंसिरमा १८ करोड ३७ लाखको लक्ष्य मध्ये ५१ दशमलव ३७ प्रतिशत ९ करोड ४३ लाख संकलन भएको छ। पुसमा १९ करोड १४ लाखको लक्ष्यमा ५६ दशमलव ६९ प्रतिशत १० करोड ८५ लाख उठेको छ। आयता, मुल्य अभिबृद्धि कर, अन्त शुल्क कृषि सुधार शुल्क अन्य शीर्षकमा राजस्व संकलन भएको हो।
आर्थिक बर्ष २०७८/०७९ मा लक्ष्यको ७१ दशमलव १३ प्रतिशत मात्र राजस्व संकलन भएको थियो। सो बर्र्ष भन्सारमा १ अर्व ३८ करोड ८४ लाख १० हजार राजस्व संकलन भएको हो। सो बर्ष भन्सारलाई १ अर्व ९५ करोड १९ लाख ४४ हजारको लक्ष्य दिइएको थियो। आर्थिक बर्ष २०७७/०७८ मा लक्ष्यकोे १ सय ९३ प्रतिशत राजस्व उठेको थियो। अन लाईन सिस्टम र भारतीय जिएसटी लगायतका कारणले पनि राजस्व संकलनमा असार परेको हो।
