१३ औं कपिलबस्तु महोत्सवको तयारी पुरा

कपिलबस्तु, माघ १६ गते । कपिलबस्तुको चारनम्बर जीतपुरस्थित बुद्धरंगशालामा हुने १३ औं कपिलबस्तु महोत्सवको तयारी पुरा भएको छ । महोत्सव मुल आयोजक समितिले आयोजना गरेको पत्रकार सम्मेलनमा सो कुरा बताईएको हो ।
“सक्षम व्यवसायी, समुन्नत राष्ट्र र आत्मनिर्भर अर्थतन्त्र” भन्ने मूल नाराका साथ हुन लागेको १३ औं कपिलवस्तु महोत्सवको उद्घाटन उद्योग, वाणिज्य तथा आपूर्तिमन्त्री दामोदर भण्डारीले गर्ने कपिलवस्तु उद्योग बाणिज्य संघका अध्यक्ष तथा महोत्वस मुल समारोह समिति संयोजक डोलकराम घिमिरेले बताउनुभयो ।
देशभरका उद्योगी ब्यवसायी निकै समस्यामा परेको समयमा ब्यवसायीका समस्याबारे राज्यको अवधारण र आगामी रणनीतिको बारेमा जानकारी दिन, र ब्यवसायीका गुनासा र समस्यालाई राज्य सम्म पुर्याउनको लागि उहाँलाई बोलाइएको संयोजक घिमिरेले बताउनुभयो ।
स्थानिय कृषि उपज र व्यवसायलाई विशेष प्राथमिकता दिइने महोत्वसमा स्थानिय भाषा धर्म, संस्कृति र परम्परालाई प्रवद्र्धन गर्न अहिले विशेष प्रकारका कार्यक्रम गर्न लागेको पनि आयोजकले जनाएको छ ।
करिब २ लाख दर्शक भित्राउँदै ५ देखि ७ करोड सम्मको आर्थिक कारोबार गर्ने लक्ष्य रहेको महोत्वसमा सुरक्षा अवस्थालाई विशेष ध्यानमा राखेको महोत्वसका निर्देशक छवि रेस्मी मगरले जानकारी दिनुभएको छ । विगतका महोत्सवहरुमा हुदै आएको डान्स आईडललाई निरन्तरता दिदैं यस महोत्सवलाई नयाँपन दिन ‘सिङ्गीङ आईडल’ गर्न लागिएको बतानुभयो । कपिलवस्तु पर्यटनको क्षेत्रमा पनि निक्कै धनि रहेको हुँदा कपिलवस्तुको समग्र पहिचान झल्काउँदै विशेष गरि कृषिलाई प्रथमिकता दिने उहाँले बताउनु भएको छ । जिल्लाका घरेलु तथा कृषिबाट उत्पादित वस्तुहरुको प्रर्बद्धनलाई महोत्वस अझ बढि सहयोग गर्ने संयोजक घिमिरेले बताउनु भएको छ ।
नेपाल पत्रकार महासंघका अध्यक्ष किरणमात्र बज्राचार्यले महोतसवलाई सफल बनाउन मिडियाको महत्वपुर्ण भुमिका रहेको बताउनुभयो । महोत्सव माघ १७ गते देखि माघ २९ गते सम्म हुने भएको छ ।