साझा न्यूज । विजयनगर
सङ्घीय मामिला तथा सामान्य प्रशासनमन्त्री अमनलाल मोदीले मुलुकमा सुशासन कायम गर्न राष्ट्रसेवक कर्मचारीले जनताका काम द्रुतगतिमा लाग्नु पर्ने बताउनुभएको छ ।
कपिलवस्तुको विजयनगर गाउँपलिका अनुगमन तथा भेटघाट गर्ने क्रममा उहाँले सुशासन कायम गर्न भ्रष्टाचारमुक्त सरकार बनाउने धारणा राख्नुभयो । कर्मचारीले भ्रष्टाचार गरेको सुन्न् आएमा २४ घन्टा भित्र मन्त्रालयमा तानी कर्मचारी फेर बदल गर्ने समेत चेतावनी दिनुभएको छ ।
शून्यसहनशीलता अपनाउने भन्दै कर्मचारीहरूले बिचौलियाको माध्यमबाट काम गरिरहेको गुनासो सुन्न नपरोस् भनी निर्देशन दिनुभएको थियो । मन्त्री मोदीले निर्देशन दिँदै जनताका आशाका केन्द्र रहेको वर्तमान सरकारको नीति तथा कार्यक्रमलाई आधार मानेर काम गर्ने बताउदै कार्यालयको निर्धारित समयमै कर्मचारीहरू हाजिर भई काम गर्नुपर्ने निर्देशनसँगै कर्मचारीहरूलाई भ्रष्टाचारमुक्त हुन र सुशासन कायम राख्न र कसैको प्रभावमा नपरी सरकारप्रति उत्तरदायी भएर काम गर्न आग्रह गर्नुभयो ।
सो अवसरमा मुस्लिम आयोग सदस्य मिर्जा अरसद बेग, प्रदेश सभा सदस्य जानकी प्रसाद यादव, प्रमुख जिल्ला अधिकारी शंकर हरि आचार्य, विजयनगर गाउँपालिका अध्यक्ष गोपाल बहादुर थापा, उपाध्यक्ष लक्ष्मी चौधरी लगाएत स्थानीय राजनीतिकर्मि, कर्मचारी, बुद्धिजीवी समाजसेबी महिला अगुवाहारु सुरक्षाकर्मी पत्रकाहरुको उपस्थिती रहेको थियो ।
सुशासन कायम गर्न कर्मचारीले जनताका काम द्रुतगति गर्नु पर्नेः मन्त्री मोदी
