भैरहवा । रूपन्देहीको भैरहवामा गंभिर प्रकृतिको सडक दुर्घटना भएको छ । गएराति रोकिराखेको ट्रकमा कार र बस ठोक्किदा दुर्घटना भएको हो । दुर्घटनामा परी १ जनाको ज्यान गएको छ ।
बुटवलबाट भैरहवातर्फ जादै गर्दा भैरहवाको अञ्चलपुरमा रोकिराखिएको ट्रकमा कार र बस ठक्कर खादा बसका चालक हरिष तिवारीको उपचारका क्रममा मृत्यु भएको जिल्ला ट्राफिक प्रहरी कार्यालय रुपन्देहीले जनाएको छ ।
दुर्घटनामा परी तनहुँको भिमाद नगरपालिका वडा नं ५ बस्ने २१ वर्षिय हरिश तिवारीको ज्यान गएको जिल्ला प्रहरी कार्यालय रूपन्देहीले जनाएको छ।
दुर्घटनामा परी २ जना घाईते भएका छन् । घाईतेको युसिएमएस भैरहवामा उपचार भईरहेको छ । घाईतेहुनेमा पश्चिम नवलपरासीको बिनयी त्रिवेणी गाउँपालिका वडा नं १ बस्ने ३९ वर्षिय बासु घिमिरे र सोही ठाउँका १६ वर्षिय दिपेश घिमिरे रहेका छन् ।
सडकमा रोकिराखेको लु २ ख ६०६ नम्वरको ट्रकमा ठोक्किने सवारी साधनमा लु २ ख ६०३८ नम्वरको बस र ग १ च ३७१३ नम्वरको निजी कार रहेको प्रहरीले जनाएको छ ।
सिद्धार्थ राजमार्गको बेलहिया बुटवल सडक खण्ड अन्तर्गत अञ्चलपुरमा रहेको नेपाल आयल निगमको डिपो अगाडि रोकिराखेको ट्रकमा बस र निजी कार राती करिव ३ः३० बजेको आसपासमा ठोकिएको प्रहरीले जनाएको छ ।
