सत्ता साझेदार दलको बैठक प्रधानमन्त्री निवास बालुवाटारमा चलिरहेको छ । मन्त्रिपरिषद् पुनर्गठन, उपनिर्वाचनलगायतका विषयमा छलफल गर्न बैठक बसेको हो ।
प्रधानमन्त्री पुष्पकमल दाहाल ‘प्रचण्ड’ ले दोस्रो पटक मंगलबार मात्रै विश्वासको मत लिएका थिए । प्रचण्डले विश्वासको मत लिएपछि पहिलो पटक सत्ता साझेदार दलको बैठक बस्न लागेको हो ।
बैठकमा प्रधानमन्त्री प्रचण्डसहित कांग्रेस सभापति शेरबहादुर देउवा, उपसभापति पूर्णबहादुर खड्का, एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादवलगायतका नेताहरू सहभागी छन् । प्रधानमन्त्री प्रचण्डले विश्वासको मत पाएपछि केही दिनमै मन्त्रिपरिषद्लाई पूर्णता दिने बताएका थिए ।
