बेसीसहर । लमजुङ जिल्ला कारागारबाट दुई जना कैदी बन्दी फरार भएका छन् ।
बिहीबार बिहान साँढे १ बजे कारागारको पर्खाल नागेर कैदी बन्दी फरार भएका हुन् ।
फरार हुनेमा लमजुङको मध्य नेपाल नगरपालिका वडा नं. ४ दुईपिप्लेका २७ वर्षका विष्णु विक र गोरखाको चुम्नुव्री गाउँपालिका वडा नं. ३ घट्टे खोला घर भई पोखरा महानगरपालिका–१६ बस्ने ३७ वर्षका चन्द्रबहादुर गुरुङ रहेका छन् ।
बेसीसहर नगरपालिका वडा नं. ८ शेरमामा रहेको कारागारबाट फरार भएका कैदी बन्दीको खोजी कार्य भइरहेको प्रहरीले जनाएको छ ।
विक २०७९ साउन २४ गते जबरजस्ती करणी मुद्दामा र गुरुङ २०८० वैशाख ३१ गते ठगी मुद्दामा पुर्पक्षका लागि कारागार चलान भएका थिए ।
