काठमाडौं, जेठ २६ । राष्ट्रिय प्रजातन्त्र पार्टी (राप्रपा) को केन्द्रीय कार्यसमितिको बैठक आज बस्दैछ। केन्द्रीय कार्यालय धुम्बाराहीमा राप्रपाको केन्द्रीय कार्यसम्पादन समिति बैठक बस्न लागेको हो ।
बैठक आज (शुक्रबार) बिहान ११:३० बजे बस्ने राप्रपाका प्रवक्ता एवं प्रचार विभाग प्रमुख मोहन श्रेष्ठले जानकारी दिए । बैठकमा समसामयिक राजनीतिक परिस्थितिको समीक्षा गरिने उनले बताए ।
बैठकमा हालै सम्पन्न केन्द्रीय समिति बैठकका निर्णय कार्यान्वयन तथा चलायमान र सुदृढ संगठन निर्माणका विविध पक्षमा पनि छलफल हुने जानकारी उनले दिए ।
