महुलीद्वारा अतिविपन्न परिवारलाई सहयोग

कपिलबस्तु, जेठ ३० गते । महुली लघुवित्त वित्तिय संस्था लिमिटेडको शाखा कार्यालय तौलिहवाले स्थापना दिवसमा विपन्न परिवारलाई सहयोग गरेको छ । महुलीले आफ्नो ११ औ स्थापना दिवसमा अतिविपन्न परिवारलाई सहयोग गरेको हो ।
स्थापना दिवसमा कपिलबस्तु नगरपालिका वडा नं. १ का हासिना धुनियालाई जस्ता पाता सहित जन श्रमदान कार्यक्रम गरी सहयोग गरेको छ । संस्थाले आफ्नो स्थापना दिवसको अवसरमा प्रत्येक बर्ष विभिन्न किसिमका सामाजिक क्रियाकलप गर्दै आइरहेको शाखा प्रमुख लाल किशोर मण्डलले बताउनुभयो । गत बर्ष संस्थाले तौलिहवा स्थित विभिन्न विद्यालयहरुमा बृक्षारोपण गरेको उहाँले बताउनुभयो । त्यस्तै हासिनाको घर निर्माणका लागि जन श्रमदान सहित संस्थाबाट बाँस, फलामको राड, हुक लगायतको सामाग्री प्रदान गरी गरिएको उहाँले बताउनुभयो ।
सो अवसरमा बोल्दै कपिलबस्तु नगरपालिका १ का वडाध्यक्ष मोहम्मद जाहिद खाँले संस्थाले आझै पनि आउने दिनमा गरीव विपन्न परिवरलाई सहयोग गर्नु पर्ने बताउनुभयो । महुलीले गरको कार्य सरहनिय रहेको उहाँले बताउनुभयो । साथै वडाध्यक्ष खाँले घर निर्माण गर्न व्यक्तिगत सहयोग समेत गरेका थिए ।
घर निर्माण भए पछि हासिना धुनियाले खुशि व्यक्त गरिन् । महुली लघुवित्त वित्तिय संस्था लिमिटेडले ३४ जिल्लामा ६४ वटा शाखा मार्फत सेवा गर्दै आएको छ । कार्यक्रममा वडा प्रहरी कार्यालय तौलिहवाका प्रमुख दिपक बस्याल, कपिलबस्तु बहुमुखि क्याम्पसका सभापति राजेश अग्रहरी, रत्न राज्य लक्ष्मी माविका प्रधानध्यापक दिवाकर प्रसाद चौधरी, विभिन्न लघुवित्त वित्तिय संस्थाका प्रमुख लगायतको सहभागिता रहेको थियो ।