नेकपा एसका प्रमुख सचेतक मेटमणि चौधरीले नेकपा एमाले अध्यक्ष एवं पूर्वप्रधानमन्त्री केपी शर्मा ओली यही वर्ष पक्राउ पर्ने ठोकुवा गरेका छन् ।
मंगलबार संसद भवनबाहिर सञ्चारकर्मीसँग कुरा गर्दै उनले अध्यक्ष ओली सुन तस्करीमा पनि संलग्न रहेको आरोप लगाए ।
उनले राष्ट्रपति निवासमा गृहमन्त्रीसँग पनि सुन काण्डमा केपी ओलीको नाम आइसकेको र जति काण्ड छन् सबै काण्डमा केपी ओली एक नम्बरमा नाम आएकोले किन पक्राउ परेका छैनन् भनेर सोधिरहेका उल्लेख गरे । चौधरीले केपी ओली चाँडै पक्राउ पर्ने र त्यसकै डरले केपी ओलीले संसदमा अवरोध गर्ने बखेडा झिकिरहेको बताए । पक्राउ पर्ने डरले ओलीले संसद अवरुद्ध गरिरहेको उनको दाबी छ ।
