धरानका उपप्रमुख बेघाको भाइमाथि खुकुरी प्रहार

धरान उपमहानगरपालिकाका उपमेयर अइन्द्रविक्रम बेघाका भाइमाथि खुकुरी प्रहार भएको छ ।हातहतियारसहित आएको अज्ञात समूहको आक्रमणबाट उपमेयरका भाइ विष्णु बेघाको बायाँ गालामा चोट लागेको छ ।

उक्त हतियारधारी समूहले उपप्रमुख बेघाका घरमा तोडफोडसमेत गरेका थिए । उपमेयर बेघाले घटनाबारे प्रहरीलाई जानकारी गराएको बताएका छन् । घटनामा संलग्नहरुको खोजी भइरहेको प्रहरीको भनाइ छ ।