कपिलबस्तुमा दशंैमा निकालिएका दुर्गा भवानीको मुर्ति बिर्सजन

कपिलबस्तु, कात्तिक ८ गते । कपिलबस्तुको विभिन्न स्थानमा निकालिएका दुर्गा भवानीको मुर्ति विर्सजन गरिएको छ । बाजागाजा सहीत स्थानीय नदी नालमा दुर्गा भवानीको मुर्ति बिर्सजन गरिएको हो । जिल्लाका १० पालिका अन्र्तगत बिभिन्न चोक बजार गाँउमामा दशैको अवसरमा मुर्ति प्रर्दशन गरिएको थियो ।
नवरात्रका अवसरमा निकालिएका मुर्तिहरुको बिशेष हवन गरिएको थियो । जिल्लाको विभिन्न स्थानमा सयौंको संख्यामा दुर्गा भवानीको मुर्ति बनाई राखिएको थियो । १५ हजार देखि ५० हजार बढी मुल्यका मुर्तिहरु निकालिएका थिए । केही घटस्थपनाका दिन र अधिकांसले सप्तमीका दिन पुजापाठ गरी निकालेका थिए । दुर्गा मुर्तिलाई भक्तजनहरुले बाणगंगानदीको रामघाट लक्ष्मणघाट, सुरई, कोठी, बेल नदी तथा बिभिन्न नालामा भब्य रुपमा बिर्सजन गरेका थिए ।
नवरात्रमा दुर्गा भगवतीको ब्रत बसी पुजापाठ गर्नाले मनोकक्षां पुरा हुने धार्मिक बिश्वास रही आएको छ । प्रजिअ शंकरहरि आचार्यका अनुसार कृष्णनगर क्षेत्रका मुर्तिहरु मंगलबारा र तौलिहवा, गोरुसिंगे, लबनी, पकडी लगायतका स्थानमा बनाइएका मुर्ति विहिबार सेलाइएको बताउनुभयो । मुर्ति सेलाउने बिभिन्न स्थलहरुमा मेला समेत लागेको थियो ।
संभावित घटनालाई मध्यनजर गर्दै ठाउ ठाउमा प्रहरी परिचालन गरिएको थियो ।