कपिलबस्तु, कात्तिक २८ गते । सिमा क्षेत्रबाट अबैध रुपमा नेपाल भित्राइएको प्रतिबन्धित विष्पोटक पदार्थहरु प्रहरी बरामद गरी नष्ट गरेको छ । कपिलबस्तु प्रहरीले सिमा क्षेत्रमा रहेका पकडी, चाकरचौडा, कृष्णनगर मर्यादपुर लगायतको नाकामा एक हप्ता भित्र सवा नौ लाख बढी पटाखा बरामद गरिएको हो । पटाखा भित्रन नदिन प्रहरीले सिमा क्षेत्रमा कडाई गरेको छ ।
जिल्ला प्रहरी कार्यालय कपिलबस्तु र मताहतका प्रहरी इकाईहरुले विगत एक साता देखि विभिन्न ठाँउमा चेकजाँच गर्ने क्रममा बरामद गरिएको पटाखा नष्ट गरिएको प्रहरी उपरिक्षक नवरत्न पौडेलले बताउनुभयो । विभिन्न अप्रेशन, विभिन्न नाकामा चेक जाँचबाट सो पटाखा बरामाद गरिएको उहाँले बताउनुभयो ।
प्रहरीले बरामद गरेका विष्पोटक पदार्थहरु आतीस बाजी, रकेट बम, सुतरी वम, पटाखा लगायतका सामाग्री नष्ट गरिएको हो । स्थानीय जनप्रतिनिधी, जिल्ला प्रशासन कार्यालयका प्रतिनिधी, पत्रकारको रोहबरमा जिल्ला प्रहरी कार्यालय तौलिहवामा नष्ट गरिएको छ ।
