बिकट सिमावर्ती गाउ हृदयनगरमा पहिलो पटक बृहद स्वास्थ्य शिबिर

कपिलवस्तु ११ माघ
बिकट र सिमावर्ती क्षेत्र कपिलवस्तुको कृष्णनगर नगरपालिका वडा नम्बर १२ हृदयनगरमा पहिलो पटक बृहद स्वास्थ्य शिबिर संचालन गरिएको छ । भारतसंग सिमा जोडिएको, सुगम भए पनि बिकट रहेको र स्वास्थ्य क्षेत्रमा निकै पछि परेको हृदयनगरमा पहिलो पटक बिशेषज्ञ सेवा सहीतको स्वास्थ्य टोली गाउमा पुगेको हो ।
नेपाल प्रहरी श्रीमती संघको आयोजना जिल्ला प्रहरी कार्यालयको संयोजन, कृष्णनगर नगरपालिकाको सहकार्य र युनीभर्सल मेडीकल कलेज भैरहवाको प्राबिधिक र औषधी ब्यवसायी संघ कपिलवस्तुको सहयोगमा शिबिर संचालन गरिएको हो ।
शिबिरमा नाक कान घाटी, छाला तथा यौन, हाडजोर्नी, महिला तथा प्रसुती सेवा, बाल रोग, दन्त रोग, जनरल फिजिसियनका दक्ष चिकित्सकहरुले जाँच र उपचार गरेका हुन । शिबिरमा ल्याब, ईसिजी, ल्याब टेस्ट र नि ःशुल्क औषधीको ब्यवस्था समेत गरिएको थियो ।
पानसमा दीप प्रज्जवलीत गर्दै नेपाल प्रहरी श्रीमति संघकी अध्यक्ष लक्ष्मी कुवरले शिबिरको उदघाटन गर्दै संघको यो शिबिरले बिकट गाउ बस्तीका बिपन्न परिवारले स्वास्थ्य लाभ पाउने बताईन । उनले सामाजिक उत्तरदायित्तव अन्र्गत संघले देशका बिभिन्न स्थानमा यस्ता सामाजिक काम गर्दै आएको बताएकी छन् । ‘ बिटक गाउमा भएको शिबिरमा स्वास्थ्य जाच गराउन आउनेको उत्साहजनक उपस्थिति देख्दा धेरै खुशी लागेको छ ’ उनले भनिन ।
प्रहरी उपरिक्षक नवरत्न पौडेलले बिकट र पछि परेका हृदयनगरबासीको स्वास्थ्य उपचारमा यो निकै उपलब्धीमुलक काम भएको बताए । यो शिबिरले घरदैलोेमा बिपन्न परिवारले स्वास्थ्य सेवा पाएको उनले बताए ।
कृष्णनगर नगरपालिकाका नगर प्रमुख रजत प्रताप शाहले सबैको सामुहिक प्रयासमा गरिएको यो शिबिरले बिपन्न परिवारलाई धरै राहत मिलेको बताए । यहा उपचार गराएर थप उपचार गराउन पर्ने बिरामीलाई २० प्रतिशत छुटको र नगरपालिका देखि निःशुल्क बस सेवा समेत प्रदान गरिने उनले बताए ।
यस्तै शिबिर बहाादुरगंजमा समेत संचालन गरिने उनले बताए । प्रजिअ बिश्व प्रकाश अर्यालले पछि परेको र विकट हृदयनगरमा संघले अगुावईमा गरिएको यो काम आपैmमा उपलब्धीमुलक रहेको बताए ।
शिबिरमा एक हजार ३ बिरामीहरुको निःशुल्क जाच गरी औषधी समेत निःशुल्क रुपम उपलब्ध गराइएको औाषधी ब्यवसायी संघक जिल्ला अध्यक्ष मैनुल्लाह खाँले बताए । शिबिरमा हृदयनगर र त्यस आसपास गाउका बासान्दाहीहरुको बिहानै देखि भीड लागेको थियो ।
घरदैलो मै बिशेषज्ञ डाक्टरहरुको सेवा सहीतको स्वास्थ्य उपचार सेवा पाए पछि यस क्षेत्रका बासीन्दाहरुका खुशी छाएको वडाध्यक्ष प्रहलाद यादवले बताए । उनले हृदयनगरमा पहिलो पटक गरिएको शिबिरले घरदैलोमा सेवा पाउदा जनताले राहत महुसस गरेको बताए । उनले बिटक गाउमा स्वास्थ्य केन्द्र समेत स्थापना गर्नु पर्ने उनले माग गरे ।