कपिलवस्तु । ४३ बर्ष अघि स्थापना भएको जिल्ला कै पुरानो कपिलस्तु बहुमुखी क्याम्पस अब्बल बन्दै गएको छ । स्थानीयको अगुवाहरुको प्रयासले स्थापना भएको क्याम्पसमा अहिले गुणस्तरीय शिक्षा, पुर्वाधार लगायतका क्षेत्रमा अब्बल बन्दै गएको हो ।
बिगत १० बर्ष अघि सम्म क्याम्पस आर्थिक अभाव र न्युन बिद्यार्थीहरुको कारण समस्यामा परेको थियो । पाँच सात बर्ष यता भने क्याम्पसमा उल्लेखीनय सुधार भएको छ । पुर्वाधार मात्र नभै बिद्यार्थी संख्या समेत बिगतको तुलनामा दोब्बर तेब्बर बढेका छन ।
१७ सय बढी बिद्यार्थी रहेको क्याम्पसमा एमबिएस, एमएड, बिबिएस, बिएड, बिए र प्लस टु लेबलको पढाई हुन्छ । खास गरी क्याम्पस अहिले विकासमा पछि परेको दक्षिणी क्षेत्रका बिद्यार्थीलाई बरदान नै साबित भएको कपिलवस्तु नगरपालिकाका नगर प्रमुख सुदीप पौडेलले बताउनुभयो । क्याम्पस अहिले बिगतको तुलनामा शैक्षिक र भौतिक दुबैरुपमा फड्को मारेको उनले बताए ।
‘यो क्याम्पसले हासिल गरेको उपलब्धीले यस भेगका बिद्यार्थीहरु धेरै लाभांबित भएका छन ’ उनले भने । छात्राबासको समेत सुबिधा रहेको क्याम्पसमा जिल्ला कै १० वटै पालिकाका बिद्यार्थीहरु अध्ययनरत छन ।
क्याम्पसमा जिल्लाको दक्षिणी पालिकाको नन्दनगर हथिहवा लागतयका गाउबाट २५ किलो मिटर यात्रा साईकलमा तय गरेर दैनिक पढन आउने गरेको क्याम्सका प्राध्यापक जीवन मरासिनीले बताए । क्याम्पस पढ्नका लागि छात्राहरु बिहानै ४ बजे साईकलमा आउने गरेको उनले बताए ।
गत माघ १२ गते क्याम्सले गुणस्तर सुनिश्चितता प्रत्यायनकृत (क्युएए) प्रमाणपत्र प्राप्त बुझेको छ । विश्वविद्यालय अनुदान आयोगले क्याम्पसलाई सो प्रमाण पत्र प्रदान गरेको हो । यो प्रमाण पत्रले क्याम्पसले नया उचाई पाएको क्याम्पस प्रमुख डाक्टर बिनय पाण्डेयले बताए । नेपालमा सय वटा क्याम्सले मात्र (क्युएए ) प्रमाण पत्र पाएका छन ।
कपिलवस्तुमा भने सिद्धार्थ क्याम्पस बुङ्चीले यस्तो प्रमाण पत्र पाएको छ । यो प्रमाण पत्र पाएसंगै क्याम्पसले बिश्व बिद्यालय अनुदान आयोगबाट बिभिन्न प्रकारका अनुदान पाउने निश्चित भएको छ ।
यस्तै अब बिबिए लगायतका प्राबिधिक बिषय समेत पढाउन पाउने बाटो समेत खुला भएको क्याम्पस प्रमुख पाण्डेयले बताए । ‘ क्युएए प्रमाण पत्र क्याम्पसका लागि ठुलो उपलब्धी हो ’ उनले भने । अब प्राबिधिक बिषयका लागि आफुहरुले पहल गरी चाडै संचालन गर्ने उनले बताए ।
सो क्याम्पसको चौतर्फी विकासका लागि प्राप्त क्युएए प्रमाणपत्र मापदण्ड अनुसारको आगामी दिनमा शैक्षिक क्रियाकलाप अघि बढाइने प्रमुख पाण्डले बताए । क्याम्पस व्यवस्थापन समितिका अध्यक्ष रामदास गुप्ताले लामो समय पछि सपना साकार भएको बताए । उनले प्राप्त उपलब्धी जोगाइ राख्न अब क्याम्पस थप सशक्त ढंगबाट अघि बढ्ने उनले बताए ।
क्याम्पसमा नयाँ विषय शुरु गर्ने बाटो खुलेको अध्यक्षले बताए । विश्वविद्यालय अनुदान आयोगको शैक्षिक गुणस्तर सुनिश्चितता तथा प्रत्यायन परिषद्ले पुष १९ गते नै कपिलवस्तु बहुमुखी क्याम्पसलाई क्युएए प्रमाणपत्र प्रदान गरेको थियो ।
