लोकतान्त्रिक समाजवादी पार्टी (लोसपा) का वरिष्ठ नेता राजेन्द्र महतो पार्टीबाट अलग भएका छन् । उनले राजधानीमा पत्रकार सम्मेलन गर्दै अब आफू लोसपामा नरहेको घोषणा गरे ।
उनी आफ्नै नेतृत्वमा छुट्टै अभियानका लागि गृहकार्य गरिरहेका थिए । उनले राजधानीमा गरेको पत्रकार सम्मेलनमा औपचारिक रुपमै लोसपाबाट अलग भएको घोषणा गरेका हुन् । लोसपा अध्यक्ष महन्थ ठाकुरसँग पार्टी सञ्चालनका विषयमा कुरा नमिलेपछि असन्तुष्ट रहँदै आएका थिए । महतोले केन्द्रीय समिति बैठक पनि बहिस्कार गरेका थिए ।
उनले ‘राष्ट्रिय मुक्ति क्रान्ति’ नामक अभियान चलाउने बताएका छन् । सरुमा अभियान घोषणा गरे पनि त्यसले पार्टीको आकार भने लिइसकेको छैन । उनले आफू वैकल्पिक शक्ति निर्माणका लागि सक्रिय रहेको भन्दै कुरा मिल्नेहरु अभियानमा आवद्ध हुनसक्ने बताए ।
हेर्नुहोस् महतोको विज्ञप्ति-
