युएई सरकारले नेपाललाई आवश्यक सहयोग गर्छ ः राजदुत अश्सामसी

तौलिहवा (कपिलबस्तु), फागुन २१ गते । नेपालका लागि संयुक्त अरब इमिरेट्सका राजदूत अब्दुल्ला सइद मुबारक जर्वान अलशाम्सीले प्राबिधिक शिक्षा तर्फ ध्यान दिनु पर्ने बताउनु भएको छ । कपिलबस्तुको मायादेवी गाँउपालिका २ भैसकुण्डा स्थित मदरसा उम्मे अम्मार ईस्लामिया कन्या क्याम्पसमा आयोजित शैक्षिक प्रमाण पत्र बितरण कार्यक्रममा सो कुरा बताउनु भएको हो ।
उहाँले नेपालको विकासका लागि युएई सरकारले आवश्यक सहयोग गर्न प्रतिबद्ध रहेको बताउनुभयो । राजदुत अलशाम्सी आफ्नो देशले नेपालकाल ागि जे जे हुन सक्छ, त्यो काम गर्ने बताउनुभयो । आफ्नो देश मुस्लिम रहे पनि संसारभरी नै मानव कल्याणका लागि सामाजिक काम गर्दैै आएको उहाँको भनाई छ । उहाँले नेपालको प्रगतिको कामना समेत गर्नुभयो । शैक्षिक प्रमाण पत्र पाएका कन्याहरुलाई बधाई दिदै उहाँले भबिष्यमा सिप र कलासंग जोडन आग्रह गर्नुभयो ।
सो अवसरमा बोल्दै लुम्बिनी प्रदेशका सामाजिक विकास मन्त्री चन्द्रकान्त गुप्ताले नेपाल र दुबईका प्रगाढ सम्बन्धको कामना गर्दै आफ्नो देशको सामुदायिक बिद्यालय र स्वास्थ्य सुधार तर्फ आफुहरु लागेको बताउनुभयो । बच्चाहरुको भबिगष्यका लागि शिक्षामा सुधार गर्नु पर्ने उहाँको भनाई छ ।
कन्या कलेजमा कक्षा ३ देखि स्नातक सम्म पाढई हुने गरेको कन्या क्याम्पसका प्रमुख हिभलजुल रहमानले बताउनुभयो । सन् २०१९, २०२० र २०२१ मा फजीलत ( स्नातक ) पास गरेका ७० जना कन्यालाई राजदुत अश्सामसी, मन्त्री गुप्ता, पुर्व मन्त्री दान बहादुर चौधरी, प्रजिअ बिश्व प्रकाश अर्याल, मायाोदबी गाँउपालिकाका अध्यक्ष बलीउद्दीन मुसलमान सुरक्षा निकायमा प्रमुख र समाजसेबी फैजल अहमद लगायतको टोलीले कन्याहरुलाई शैक्षिक प्रमाण पत्र हस्तान्तरण गरेका थिए । कन्या क्याम्पसका अध्यक्ष हिफजुर्रहमानको अध्यक्षतामा कार्यक्रम भएको थियो ।