कपिलवस्तु, १३ चैत्र । रंगहरुको पर्व होलीका अवसरमा एक आपसमा मिलेर सद्भावपूर्ण भाईचारा गांसे जस्तै आम नेता कार्यकर्ताहरुमा पनि यसै गरी भाईचारा कायम गर्न सकियोस् भन्ने सन्देश दिदै नेपाली कांग्रेसका नेता कार्यकर्ताहरु एक आपसमा होली पर्व मनाएका छन्
लुम्विनी प्रदेश सभाका सदस्य सुधाकर पाण्डेय, भारतका लागि पुर्व नेपाली राजदुत दीप कुमार उपाध्याय लगायतका नेताहरु एक आपसमा मिलेर होली पर्व मनाएका छन् । सो अवसरमा नेपाली कांग्रेसका नेता पुर्व राजदुत उपाध्यायले विगतका तिता मिठा कुराहरुलाई
यसै होली पर्वमा विर्सेर सवै कांग्रेसी नेता कार्यकर्ता एक भई अघि बढ्न अपील गरेका छन् ।
सो अवसरमा नेपाली कांग्रेसका नेता तथा लुम्विनी प्रदेश सभा सदस्य सुधाकर पाण्डेयले होली पर्वले आम नेपाली दाजु भाई दिदी वैनी तथा सम्पूर्णमा एकता, सद्भाव र भाईचारा सदैव कायम रहोस्, हरेक वर्ष यसै गरी खुशीयालीका साथ होली पर्व मनाउन पाईयोस् भन्दै होलीको शुभकामना व्यक्त गरेका छन् ।
होली पर्वमा प्रदेश सभा सदस्य पाण्डेय तौलिहवा वजार क्षेत्रमा उद्योगी, व्यवसायी तथा सर्वसाधारणहरुसंग भेटघाट गरी होली पर्व मनाएका थिए । सो अवसरमा नेपाली कांग्रेसका नेता रवि ठाकुर लगायतको उपस्थिति रहेको थियो ।
