कपिलवस्तु, १४ चैत्र । लुम्विनी प्रदेशमै पहिलो पटक ठुलो राशी रहेको प्रथम कपिलवस्तु तिलौराकोट गोल्डकप फुटवल प्रतियोगिता वाणगंगा नगरपालिकाको बुद्ध रंगशालामा हुने भएको छ । जिल्ला फुटवल संघको आयोजनामा स्वास्थ्यको लागि खेलकुद राष्ट्को लागि खेलकुद भन्ने मूल नारा सहित चैत्र १७ गते देखि २४ गते सम्म प्रतियोगिता सन्चालन गर्न लागिएको बुद्ध रंगशालामा आयोजित पत्रकार सम्मेलनमा जानकारी दिईएको छ ।
प्रतियोगितामा प्रथम हुने टिमलाई ११ लाख ११ हजार १ सय ११ रुपैया र दोस्रो हुनेलाई ५ लाख ५५ हजार ५ सय ५५ रुपैया र शिल्ड मेडल र प्रमाण पत्र दिईने अध्यक्ष तिलक थापाले जानकारी दिए ।
प्रतियोगितामा नेपालका ’ए’ डिभिजनका क्लबसहित ८ टोलीको सहभागिता रहने छ। जसमा थ्री स्टार क्लब, त्रिभुवन आर्मी क्लब, मछिन्द्र क्लब, नेपाल पुलिस क्लब, हनामी बीएफसी, सुदूरपश्चिम–११, सहारा क्लब र आयोजक टिमबाट कपिलवस्तु –११ रहने अध्यक्ष थापाले बताए ।
प्रथम कपिलवस्तु तिलौराकोट गोल्डकप फुटवल प्रतियोगिता व्यवस्थापन गर्नका लागि करिब १ करोड १८ लाख खर्च हुने अनुमान गरिएको छ । खर्च व्यवस्थापनका लागि राष्ट्यि खेलकुद परिषद, लुम्विनी प्रदेश खेलकुद परिषद र कपिलवस्तु जिल्लाका विभिन्न स्थानीय तहहरुसंग समन्वय गरिएको पत्रकार सम्मेलनमा जिल्ला फुटवल संघका अध्यक्ष तिलक थापाले बताए ।
सो अवसरमा लुम्विनी प्रदेश फुटवल संघका उपाध्यक्ष शक्ति सिंह ठकुरीले युवाहरुलाई लागू औषधबाट जोउान खेल क्षेत्रमा युवाहरुको आकर्षण र सहभागितामा जोड दिनु पर्ने बताए ।
पत्रकार सम्मेलनमा लुम्विनी प्रदेश फुटवल संघका उपाध्यक्ष शक्ति सिंह ठकुरी, कपिलवस्तु उद्योग वाणिज्य संघका पुर्व अध्यक्ष डोलक राम घिमिरे, वाणगंगा वेयलफेयर सोसाईटीका महासचिव दिनेश क्षेत्री, पत्रकार महासंघका अध्यक्ष किरणमान बज्राचार्य, सामुदायिक रेडियो प्रशारक संघ अकोरावका लुम्विनी प्रदेशका अध्यक्ष राजु खराल लगायतको उपस्थिति रहेको थियो ।
