विनोद अधिकारी । साझा न्यूज
कपिलवस्तु । लुम्विनी प्रदेशमै पहिलो पटक कुल १६ लाख रुपैया राशी रहेको प्रथम कपिलवस्तु तिलौराकोट गोल्डकप फुटवल प्रतियोगिता वाणगंगा नगरपालिकाको बुद्ध रंगशालामा आजबाट शुरु भएको छ । जिल्ला फुटवल संघको आयोजनामा स्वास्थ्यको लागि खेलकुद राष्ट्को लागि खेलकुद भन्ने मूल नारा सहित शुरु गरिएको उद्घाटन खेल थ्री स्टार क्लब ललितपुर र आयोजक टिम कपिलवस्तु ११ विच उद्घाटन खेल सम्पन्न भएको छ ।
आजको उद्घाटन खेल आयोजक टिम कपिलवस्तु ११ विरुद्ध थ्री स्टार ललितपुरले ३ गोलले विजयी बनेको छ । खेलमा थ्री स्टार ललितपुरका निरज चौधरीले पहिलो र तेस्रो गोल गरेका थिए भने थ्री स्टारका अर्का खेलाडी दिपेश घलेले एक गोल गरेका थिए । आजको खेलमा थ्री स्टार क्लब ललितपुरका निरज चौधरी म्यान अफ द म्याच घोषित भएका छन् ।
प्रतियोगिताको भूमि व्यवस्था, सहकारी तथा गरीवी निवारण मन्त्री बलराम अधिकारीले उद्घाटन गरेका थिए । प्रतियोगितामा प्रथम हुने टिमलाई ११ लाख ११ हजार १ सय ११ रुपैया र दोस्रो हुनेलाई ५ लाख ५५ हजार ५ सय ५५ रुपैया र शिल्ड मेडल र प्रमाण पत्र दिईने अध्यक्ष तिलक थापाले जानकारी दिए ।
प्रतियोगितामा नेपालका ’ए’ डिभिजनका क्लबसहित ८ टोलीको सहभागिता रहने छ । जसमा थ्री स्टार क्लब ललितपुर, त्रिभुवन आर्मी क्लब, मछिन्द्र क्लब, नेपाल पुलिस क्लब, सुदूरपश्चिम–११ धनगढी, साहारा क्लब पोखरा र आयोजक टिमबाट कपिलवस्तु –११ सहभागी रहेका छन् ।
प्रथम कपिलवस्तु तिलौराकोट गोल्डकप फुटवल प्रतियोगिता व्यवस्थापन गर्नका लागि करिब १ करोड १८ लाख खर्च हुने अनुमान गरिएको छ । खर्च व्यवस्थापनका लागि राष्ट्यि खेलकुद परिषद, लुम्विनी प्रदेश खेलकुद परिषद र कपिलवस्तु जिल्लाका विभिन्न स्थानीय तहहरुसंग समन्वय गरिएको जिल्ला फुटवल संघका अध्यक्ष तिलक थापाले बताए ।
