साझा न्यूज । कपिलवस्तु
कपिलवस्तु नगरपालिका वडा नं. १ को तर्फबाट आम सर्वसाधारणहरुलाई लक्षित गरि तौलिहवा बजार क्षेत्रमा पिसीसी वेन्च राखिएको छ । वडा नं. १ को चालु आर्थिक वर्ष २०८०।०८१ को बजेट अन्र्तगत ४ लाख रुपैयाको लगानीमा जिल्ला प्रशासन कार्यालय आसपास, यातायात सेवा कार्यालय आसपास, नयांटोल, शिव मन्दिर टोल, गौढी चौक, भवानी भिक्षु लगायतका वडा नं. १ का स्थानहरुमा सिमेन्टबाट निर्माण गरिएको पिसीसी वेन्च राखिएको हो ।
एउटा वेन्चमा ३ जना सम्म बस्न सकिन्छ । वडा कार्यालयले यसरी आम सर्वसाधारणलाई लक्षित गरि सम्पन्न गरेको यो कार्यबाट स्थानीय आम सर्वसाधारणहरु खुशी भएका छन् ।
नागरिकलाई प्रत्यक्ष फाईदा पुग्ने ढंगबाट तौलिहवा वजार क्षेत्रका विभिन्न स्थलहरुमा विश्राम स्टल बनाएको कार्य आफैमा अनुकरणीय रहेको समाजसेवी रवि ठाकुले बताए । वडा वासी तथा बजार क्षेत्रमा आउने आम सर्वसाधारणलाई लक्षित गरी यस्ता खाले वेन्चहरु राखिएकोे वडा नंं. १ का वडा अध्यक्ष जाहिद खांले बताए ।
बजेटले भ्याए सम्म ५० वटा यस्ता वेन्चहरू राखिने वडा अध्यक्ष खांले बताए । वडाले गरेकाे यस्ताे काम हेर्दा सानाे देखीए पनि याे निकै उपयाेगी रहेकाे कपिलवस्तु नगरपालिका वडा नं. १ का माेती राज घिमिरेले बताए । यस्ता अनुकरणाीय कामहरू अन्य वडा अध्यक्षरूले पनि सिक्नु पर्छ, उनले भने ।
सामाजिक उत्तरदायित्व अन्र्तगत पनि तौलिहवा बजार क्षेत्रमा आउने जुन सुकै वडा तथा पालिकाका व्यक्तिहरु भए पनि उनीहरुलाई केही वेर सम्मका लागि भए पनि विश्राम गर्न सजिलो हुने छ, वडा अध्यक्ष खांले भने, “यसै प्रकारबाट नगर क्षेत्रका अन्य वडाका चौक तथा सार्वजनिक स्थहरु, अस्पताल, वस पार्क लगायतका स्थानहरुमा आम सर्वसाधारणहरुलाई बस्नका लागि विश्राम स्थल निर्माण गरिनु पर्छ ।” हाम्रा हरेक क्रियाकलाप आम सर्वसाधारण लक्षित हुनु पर्छ, उनले भने ।
