कपिलबस्तु नगरपालिकाको सिकोटवा गाँउका २९ वटा धाराको पानीमा देखियो दिशाजन्य पदार्थ

साझा न्यूज । संवाददाता
कपिलबस्तु, चैत २५ गते । कपिलवस्तु नगरपालिका ३ सिकोटवा गाउको २९ घरको खानेपानी धारामा ईकोली ( दिशाजन्य पदार्थ ) भेटिएको छ । एक साता अघि सो गाउमा झाडा पखाला फैलिएको थियो । त्यस मध्ये २ जनाको एन्टीजेन परिक्षण गर्दा एक जनामा हैजाको पोजेटिभ केस देखिएको थियो ।
त्यसको केही दिन पछि सो गाउको ७४ घर धुरीको १ सय ३३ धाराको खानेपानीको नमुना परिक्षण गर्दा २९ धाराको खानेपानीमा ईकोली भेटिएको नगरपालिकाका स्वास्थ्य शाखा प्रमुख उमेश गुप्ताले बताए ।
गत असारमा जिल्लाको ८ पालिकाको बिभिन्न १ सय ४ स्थानको लिइएको खानेपानी परिक्षणमा १५ वटामा ( साढे १४ प्रतिशतमा ) ईकोली भेटिएको थियो । पानीमा दिसाजन्य पदार्थ मिश्रण हुनुलाई ईकोली भनिन्छ ।
सिकोटवामा जाँच गरिएको पानी मानिसको स्वास्थ्यमा प्रतिकूल असर पार्ने खालको रहेको पाइएको हो । ढाई बर्ष अघि जिल्लाको कृष्णनगर महराजगंज, मायादेबी लगायतका स्थानमा झाडा पखालाको प्रकोप फैलिदा ५ जना बढीको मृत्यु भएको थियो ।
सिकोटवामा धाराको पानी कालिका सामाजिक विकास केन्द्रको सहयोमगा परिक्षण गरिएको थियो । इकोलीले हैजा, झाडापखाला, टाइफाइड जस्ता दुषित पानी जन्य सरुवा रोग फैलन सक्ने भएकोले समयमै पानी शुद्धिकरण सम्वन्धी सचेतनामूलक क्रियाकलापहरु सञ्चालन गर्नु पर्ने स्वास्थयकर्मी बताउछन ।
सिकोटवामा सङ्क्रमणको जोखिम रहने भएकाले स्वास्थ्य सावधानी अपनाउनाका साथै पानी शुद्धीकरण गरी पिउनु पर्ने उनीहरु बताउछन । सिकोटवामा दुई दर्जन स्वास्थ्यकर्मीको टोली परिचालन गरी जीवनजल साबुन, मास्क समेत बितरण गरिएको स्वास्थ शाखा प्रमुख उमेश गुप्ताले बताए ।
एन्टीजेन परिक्षणमा पोजेटिभ देखिएका एक जनाको अन्तिम परिक्षणमा भने नेगेटिभ देखिएको उनले बताए । तर उनीमा डेङ्गुको भने पोजेटिभ देखिएको उहाँको भनाई छ ।