साझा न्यूज । कपिलवस्तु
नेपाल वहिरा संघ कपिलवस्तुको आयोजनामा तौलिहवामा ७ दिने नेपाली सांकेतिक भाषा तालिम सम्पन्न भएको छ । कपिलवस्तु नगरपालिका वडा नं. २ को सहयोगमा सम्पन्न भएको तालिममा वडा नं. २ का ७ जना वहिरा वडावासीलाई सो तालिम प्रदान गरिएको हो ।
तालिममा नेपाली संकेत भाषाको लागि नेपाली वर्णमाला, अंग्रेजी अल्फावेट, स्वर वर्ण, व्यजन वर्ण, आफ्नो परिचय दिन सक्ने खालका संकेत भाषाहरुको बारेमा जानकारी गराईएको आयोजक संस्था नेपाल बहिरा संघकी दोभाषे अन्जली अग्रहरीले बताईन् ।
तालिमको समापन कार्यक्रममा श्री तौलेश्वरनाथ संस्कृत मा.वि.का प्रधानाध्यापक पुजारी प्रसाद चौधरीले सहभागीहरुलाई प्रमाण पत्र वितरण गर्नु भएको थियो ।
सो अवसरमा राष्ट्यि बहिरा महासंघ नेपाल वाग्मती प्रदेशका अध्यक्ष तथा दोभाषे तालिमका प्रमुख प्रशिक्षक कृष्ण गजुरेलले कपिलवस्तु नगरपालिकाले यस प्रकारका तालिमहरु हरेक वडाहरुमा निरन्तर रुपमा संचालन गर्दै जानु पर्नेमा जोड दिए ।
कार्यक्रममा कपिलवस्तु बहिरा संघका अध्यक्ष रिंकु गुप्ताले वहिरा नागरिकहरुलाई सांकेतिक भाषाको तालिम संगसंगै सीपमूलक तालिमहरु पनि दिन आवश्यक रहेको बताए । कार्यक्रमको संचालन दोभाषे ज्ञानु पन्थले गरेकी थिईन् ।
