अमित पाठक । साझा न्यूज
कपिलवस्तु, १२ अषाढ । हावा हुरी र वर्षा संगै परेको चट्यांङ्गका कारण २ जनाको मृत्यु भएको छ । जिल्ला प्रहरी कार्यालयका अनुसार यशोधरा गाउंपालिका वडा नं. ६ भैसहियाका २२ वर्षीय महेश कलवार र बुद्धभूमि नगरपालिका वडा नं. १० प्रेमनगरका १८ वर्षीय राजु ठाकुरको मृत्यु भएको हो ।
पानी परेको समयमा घर नजिककैको खेतमा गएका बेला महेश कलवारको चट्यांङ्ग परेर घटना स्थलमै मृत्यु भएको थियो । यसै गरी राजु ठाकुरको पनि घर बाहिर खेत तर्फ जांदै गर्दा बाटोमै चट्यांङ्ग परेर मृत्यु भएको जिल्ला प्रहरी कार्यालयले जनाएको छ ।
मृतक दुवै जनाको शव पोष्टमार्टमका लागि जिल्ला अस्पतालमा ल्याईएको छ ।
