कपिलबस्तु, साउन ३१ गते । कपिलवस्तु अस्पताललाई एक करोड बढी मूल्यका हाड जोर्नी सम्बन्धी स्वास्थ्य सामाग्री हस्तान्तरण गरिएको छ ।
स्वास्थ्य तथा जन संख्या मन्त्रालयले अस्पतालमा हाड जोर्नी सम्बन्धी उपचारमा सहजताका लागि एक करोड ६ लाख बढी मूल्यका विभिन्न स्वास्थ्य सामाग्री प्रदान गरेको हो ।
अस्पताललाई ९७ लाख बढी मूल्यको सी आर्म मेसिन, साढे ६ लाखको डेफिब्रिलेटर बायस्पिक एक सेट, ट्रान्सपोर्ट ट्राली ३ पिस, ईसिजि ३ च्यानल एक सेट, डेलिभरी बेड एक सेट प्राप्त भएको अस्पतालका मेडिकल सुपरिन्टेन्डेन्ट किशोर बन्जाडेले बताए ।
उनले यो सामाग्रीले अब हाड जोर्नी सम्बन्धी उपचारमा सहजता हुने उनले बताए । कपिलवस्तु अस्पतालका हाडजोर्नी तथा नशा रोग विशेषज्ञ डाक्टर अजय कुमार चौधरीले प्राप्त सामाग्री उच्च प्रविधिको रहेकाले अब खास गरी हाडजोर्नीको अप्रेसन गर्नु पर्ने बिरामीहरूको उपचारमा सहजता हुने उनले बताए ।
‘यो सामग्रीले हाडजोर्नीको उपचारमा अब धेरै सजिलो हुन्छ’ उनले भने । हाड जोर्नीका लागि अस्पतालमा अझै थुप्रै सामाग्री र जन शक्तिको आवश्यकता रहेको उनले बताए । मेसु बन्जाडेले अस्पताललाई नमुना बनाउन आफू लागि परेको बताए ।
उक्त सामाग्री जसपा नेता ईरफान खानको पहलमा आएको हो । अशाेक राइ नेतृत्वकाे जनता समाजवादी पार्टीका जिल्ला अध्यक्ष इरफान खानले प्रदीप यादव तत्कालीन स्वास्थ्य मन्त्री हुदाकाे बखद अाफुले पहल गरे अनुसार साे उपकरणहरू हाल जिल्ला अस्पतालमा अाएकाे बताए ।
