काठमाडौँ । नेपाली काँग्रेसले पेरिस पारालिम्पिकमा ऐतिहासिक पदक विजेता ओलम्पिकमा पदक विजेता पलेसा गोवर्धनलाई ५ लाख नगदसहित सम्मान गरेको छ । यसैगरी प्रशिक्षक कविराज नेगीलाई नगद १ लाख ५० हजार रुपैयाँसहित काँग्रेसले सम्मान गरेको छ ।
आइतबार केन्द्रीय कार्यालय सानेपामा कार्यक्रम आयोजना गरी काँग्रेस पार्टी सभापति शेरबहादुर देउवाले पलेसा र उनका प्रशिक्षक कविराज नेगीलाई नगदसहित सम्मान गरेका हुन् ।
सम्मान कार्यक्रममा युवा तथा खेलकुद मन्त्री तेजुलाल चौधरीलगायतको सहभागिता थियो । पलेसा पारालिम्पिकमा पदक जित्ने पहिलो नेपाली खेलाडी हुन् ।
पेरिसमा भएको पारालिम्पिक्समा के ४४ क्याटगोरी अन्तरगत महिला ५७ केजीमुनी प्रतिस्पर्धा गरेकी पलेशाले कास्य पदक जितेकी थिइन् । यो नै नेपाली खेलाडीहरूले ओलम्पिकमा जितेको पहिलो पदक हो ।
