कपिलवस्तु, असोज १५ गते । दलित सामाजिक बिकास केन्द्रको सामाजिक परिक्षण तौलिहवामा सम्पन्न भएको छ । कार्यक्रममा संस्थाद्धारा कपिलवस्तुका ६ पालिकामा संचालित बिभिन्न ६ वटा परियोजनाको गत आर्थिक बर्षको प्रगति प्रतिबेदन कार्यक्रम संयोजकले प्रस्तुत गरेका थिए ।
कपिलवस्तुको यशोधरा, मायादेबी, बिजयनगर गाउपालिका तथा कपिलवस्तु कृष्णगनर र महाराजगंज नगरपालिकामा सो सस्थाको परियोजना संचालनमा छ ।
सो अवसरमा जिल्ला समन्वय समितिका प्रमुख बावुराम आचार्यले सामाजिक सुचकांकमा पछि परेको कपिलवस्तुको सामाजिक विकासमा यो संस्थाले सकारात्मक काम गरेको बताए । उनले दलित र पछि परेको दक्षिाणी क्षेत्रका बिशेषतः महिलाको सशक्तिकरण र आयआर्जनमा यो संस्थाले राम्रो काम गरेको उनले बताए ।
कार्यक्रममा कपिलवस्तु नगरपालिका ४ का वडाध्यक्ष रबन्द्रि तिवारी, मायादेबी गाउपालिका ३ का वडाध्यक्ष शैलेन्द्र कुमार यादवले यो सस्थाले पछि परेका पालिकाका सामाजिक विकासमा राम्रो काम गरेको बताए ।
कार्यक्रमलाई अझ प्रभावकारीरुपमा अघि बढाउनु पर्ने उनीहरुले सुझाव दिए । कार्यक्रममा लाभग्राहीहरुले बालविवाह, शिक्षाको पहुच, मानसिक स्वास्थ्य, कम्पोस्ट मल लगायतका बिषयमा संस्था र सरोकारवाला पक्षले बिशेष ध्यान दिनु पर्ने बताए ।
कार्यक्रममा कपिलवस्तु नगरपालिका सामजिविक विकास शाखाका प्रमुख पदमराज श्रेष्ठ, माहाराजगंज नगरपालिका स्वास्थ्य शाखा प्रमुख राधेश्याम जयसवालले संस्थाले मानसिक स्वास्थ्य शिक्षा बालमैत्रीका बिषयमा अझ सशक्तरुपमा लाग्नु पर्ने बताए ।
कार्यक्रममा गैसस महासंघका पुर्व जिल्ला अध्यक्ष प्रबीण श्रीवास्तवले सहजीकरण गरेका थिए । कार्यक्रम सुर्जमति पासीको अध्यक्षता, रिखीराम हरिजनको संचालन र कुसुम कोरीको स्वागत मन्तब्यमा भएको थियो ।
दलित सामाजिक बिकास केन्द्रको सामाजिक परिक्षण तौलिहवामा सम्पन्न
