कपिलवस्तु, कार्तिक ४ गते । कांग्रेस लुम्बिनी प्रदेश सभापति अम्मर सिंह पुनले ईगोलाई त्यागेर गुटबन्दी अन्त्य नगरे सम्म कांग्रेस बलियो नहुने बताएका छन । कांग्रेसमा गुटबन्दीले गर्दा कमजोर बनेको भन्दै तल देखि माथी सम्मका नेता कार्यकर्ताले आ– आफनो ईगो नत्यागे सम्म कांग्रेस बलियो नहुने उनको भनाई छ ।
कांग्रेस कपिलवस्तु नगर समितिले तौलिहवा स्थित पार्टी कार्यालयमा राखेको नेपाली कांग्रेस लुम्बिनी प्रदेश सभापतिसंग पालिका संबाद कार्यक्रममा उनले सो कुरा बताएका हुन । उनले अब पार्टीलाई सुदुढ गरेर अघि लैजानु पर्ने बताए । उनले कांग्रेस भातृ संगठनलाई आफनो अनुकलु नभै चलायमान बनाउनु पर्ने बताए ।
कांग्रेसको कार्यकालमा भएका राम्रा कामको प्रचार हुन नसकेकोले अब समयानुलक प्रचारप्रसारको कार्य अघि बढाउनु पर्ने उनले बताए । उनले पुराना र नया दुबै नेता कार्यकर्ताले नया सोचका साथ अघि बढनु पर्ने बताए ।
उनले कांग्रेस संगठनका हिसाबले समते मजबुत नभए अभिब्यक्ति स्वतन्त्रता, विकास लागतयका कुरा समेत संकटमा पर्ने बताए । कांग्रेस देशको पहिलो पार्टी बने पनि केही असंतुष्टी, आफनो स्वार्थ अनुकुल काम नभए पछि तिनीहरुले नै कांग्रेस खत्तम छ भन्दै हिडने गरकोका कारण पार्टीलाई असर पुग्ने गरेको बताए ।
उनले पार्टीमा दत्तचित्त भएर लागूने पर्ने बताए । एउटै ब्यत्तिलाईृ धरै पटक पदमा उठन र अन्य पदमा समेत मौका दिन नहुने भन्दै उनले यसकालागि समेत तल्लोतहबाटै जोडदार आवाज उठानु पर्ने बताए । टिकट लिने बेलमा मरिहत्ते गर्ने रअन्य बेला मतलब नराख्ने गरिएको प्रति उनले गुनासो गरे । उनले टोल वडा समिति देखि ३ वटै तहलाई मजुबत बनाउदै लानु पर्ने बताए । उनले धार्मिक पर्यटनलाई ध्यान दिदै झमेला नहुने किसिमले काम गर्ने वातावरण मिलाउने गरी आफुले कुरा उठाउने बताए ।
ट्राफिक प्रहरीले एक एक किलो मिटरमा चेक गरेका कारण याुत्रहरु मर्कामा परेको कुरा पनि आफुले उठाएर समाधान गर्ने प्रतिबद्धता ब्यक्त गरे ।
कार्यक्रममा युवा नेता प्रकाश घिमिरे, गोपीकृष्ण शर्मा, रामचन्द्र मुराउ, बसन्त कुमारी सिंह, रउफ अहमद खाँ लगायतले पार्टीलाई मजबुत बनाउन पहल गर्नु पर्ने, नेताहरु गाउ गाउमा जानु पर्ने लगायतका सुझाव दिएका थिए । कार्यक्रम नगर सभापति खुर्सेद अहमद खाको अध्यक्षता र नगर सचिव नगेन्द्र यादवको संचालनमा भएको थियो ।
गुटबन्दी अन्त्य नभए सम्म पार्टी बलियो हुदैन ः सभापति पुन
