कपिलबस्तु, मंसिर १५ गते । शुद्धोधन गाउँपालिका वडा नम्बर १ मा हुन गइरहेको वडा तहको उप निर्वाचनको सवै तयारी पूरा भएको छ । निर्वाचन सम्पन्न गर्न ३ वटा मतदान स्थलमा ६ वटा मतदान केन्द्र स्थापना गरिएको मुख्य निर्वाचन अधिकृतको कार्यालयले जनाएको छ ।
उप निर्वाचनमा राजनैतिक दलका १० जना र ४ स्वतन्त्र उम्मेदवार प्रतिस्पर्धामा उत्रिएका छन् । निर्वाचनमा कुल ४ हजार ८ सय ६८ जना मतदाता रहेका छन् ।
मतदानका लागि आवश्यक सवै प्रक्रिया पूरा गरि सकिएको मुख्य निर्वाचन अधिकृत प्रकाश चन्द्र अधिकारीले बताए ।
निर्वाचनलाई भय रहित ढंगबाट सम्पन्न गर्न नेपाल प्रहरीका १ सय ६३ र शशस्त्र प्रहरीका १ सय ५९ जना सुरक्षाकर्मी खटाईएको प्रमुख जिल्ला अधिकारी विश्व प्रकाश अर्यालले बताए ।
नेपाली सेनाको २ प्लाटुनले उप निर्वाचन वडा क्षेत्रलाई बाहिरी घेराबाट सुरक्षा प्रदान गर्ने प्रजिअ अर्यालले बताए ।
