कपिलबस्तु, जेठ २३ गते । कपिलबस्तुमा दुई महिने पेशागत लेखा तालिमको समापन गरिएको छ । कपिलबस्तु नगरपालिका वडा नं. १ स्थित धैर्य एकाउन्टिङ्ग एण्ड टेकप्रो एकेडमीको आयोजनामा उक्त तालिम भएको हो ।
तालिममा स्थानीय स्तरमा लेखा पेशामा संलग्न तथा रुचि राख्ने १५ जान सहभागिहरुलाई व्यवसाय दर्तादेखि डिजिटल लेखा प्रणालीसम्मको ज्ञान प्रदान गर्ने उद्देश्यले तालिमको आयोजना गरिएको एकेडमीका सञ्चालक एवम् प्रशिक्षक धर्मेन्द्र चतुर्वेदीले बताउनुभयो ।
सो तालिममा फर्म दर्ता,प्रक्रिया, म्यानुअल लेखा प्रणाली, बिक्री तथा खरिद लेखा, अभिलेख व्यवस्थापन र व्यक्तिगत व्यवसाय लेखा सञ्चालन लगायतको विषयमा सहभागिहरुलाई जानकारी दिइएको प्रशिक्षक चतुर्वेदीको भनाई छ । साथै तालिममा लेखा तथा कर क्षेत्रका अनुभवी विशेषज्ञहरूद्वारा समय समयमा विशेष सत्रहरु पनि सञ्चालन गरिएका प्रशिक्षक दिनेश चौधरीको भनाई छ ।
समापन कार्यक्रममा स्वास्थ्य बीमा बोर्डका जिल्ला संयोजक वशिष्ठ तिवारी, समाजसेवी मोहम्मद मुस्तफा, व्रम्हान्न्द मौर्य, चन्द्र प्रकाश चौधरीलगायत अन्य विशिष्ट व्यक्तिहरूको उपस्थिति रहेको थियो ।
तौलिहवामा दुई महिने पेशागत लेखा तालिम
