साझा न्यूज । कपिलवस्तु
कपिलवस्तु । केपी ओली नेतृत्वको सरकार पूर्ण रुपमा भष्टाचारमा डुबेको हुंदा वर्तमान भष्टाचारी सरकार विघटन गरी नयां सरकार निर्माण गर्नु पर्ने नेकपा एकीकृत समाजवादीका नेता मेटमणि चौधरीले बताएका छन् ।
कपिलवस्तुको तौलिहवामा आयोजित पार्टी नेता तथा कार्यकर्ताहरु भेटघाट कार्यक्रम पछि संचारकर्मीहरु संग कुरा गर्दै पुर्व मन्त्री चौधरीले मन्त्रीहरुको भ्रष्टाचारको काण्डमा स्वयं प्रधानमन्त्रीको समेत मिलोमतो भएको हुन सक्ने आरोप लगाएका छन् ।
वर्तमान सरकारका मन्त्री पिच्छे अधिकांश मन्त्रीहरु भ्रष्टाचारका घटनामा मुछिनुले प्रधानमन्त्री ओली माथि नै प्रश्न चिन्ह तेर्सिएको छ, नेता चौधरीले भने, “अब प्रधानमन्त्री जीले राजीनामा दिएर मार्ग प्रशस्त गर्नु पर्छ ।”
पार्टी संगठन विस्तारका क्रममा जिल्ला भ्रमणमा पुगेका नेता चौधरीले उच्च मनोवल सहित संगठनका गतिविधीहरु वडा स्तर सम्म पुर्याउन पार्टीका जिल्ला नेता तथा अगुवा कार्यकर्ताहरुलाई आग्रह गरेका छन् ।
