देशभर उत्पन्न विषम परिस्थितिमा अत्यावश्यक सार्वजनिक सेवाहरू सुचारु राख्न मुख्यसचिव एकनारायण अर्यालले सचिवस्तरीय भर्चुअल बैठक आह्वान गरेका छन्।
बैठकमा नेपाली सेना तथा अन्य सुरक्षा निकायका प्रमुखसमेत सहभागी हुने जनाइएको छ। अस्पताल, विद्युत, खानेपानी, टेलिफोनलगायत सेवाहरू निरन्तर सञ्चालन गर्न आवश्यक निर्णय हुने एक सचिवले प्रशासन विशेष ब्युरोलाई जानकारी दिएका छन्।
यो बैठकमार्फत स्वास्थ्य, सुरक्षा र आधारभूत सेवामा अवरोध नआओस् भन्ने उद्देश्यले विशेष व्यवस्था गर्ने तयारी भइरहेको छ।
यसैबीच, जेन जेड समूहको दोस्रो दिनको आन्दोलनका क्रममा सिंहदरबार परिसरमा भीषण आगजनी भएको छ। प्रधानमन्त्री तथा मन्त्रिपरिषद्को कार्यालयसहित आधा दर्जनभन्दा बढी मन्त्रालय र सवारीसाधनहरू जलेर नष्ट भएका छन्।
