जिल्ला समन्वय समिति कपिलबस्तुका प्रमुख बाबुराम आचार्यले संविधानको रक्षा गर्नु सबै नागरिकको साझा दायित्व भएको बताउनु भएको छ । जिल्ला प्रशासन अगाडी आयोजना गरिएको दिप प्रज्वलन कार्यक्रममा उहांले सो कुरा बताउनु भएको हो ।
प्रमुख आचार्यले संविधानले दिएको अधिकार र जिम्मेवारीलाई व्यवहारमा उतार्न राज्यका अंग मात्र नभई नागरिक समाज र सम्पूर्ण जनताले पनि भूमिका निर्वाह गर्नुपर्नेमा जोड दिनुभयो । उहाँले संविधानको कार्यान्वयन र संरक्षण मार्फत मात्र मुलुकलाई स्थायित्व र समृद्धितर्फ अघि बढाउन सकिने उल्लेख गर्नुभयो ।
दीप प्रज्वलन कार्यक्रमले संविधानको महत्व र यसको कार्यान्वयनका लागि सबै सरोकारवालाको प्रतिबद्धता झल्काएको सहभागीहरुले बताएका छन् ।
गैरसरकारी संस्था महासंघको समन्वयमा जिल्ला समन्वय समिति कपिलवस्तुको आयोजनामा सम्पन्न कार्यक्रममा प्रमुख जिल्ला अधिकारी दिलकुमार तामाङ, जिल्ला प्रहरी कार्यालयका प्रहरी उपरीक्षक निरञ्जन दत्त भट्ट, गैर सरकारी संस्था महासंघका जिल्ला अध्यक्ष जय प्रकाश पाण्डेय, अधिकारकर्मी रविन्द्रनाथ ठाकुर, रामदयाल ठाकुर लगायत सरोकारवाला व्यक्तिहरूको उपस्थिति रहेको थियो ।
संविधानको रक्षा गर्नु सबै नागरिकको साझा दायित्व
