नेपाल विद्युत् प्राधिकरण भैरहवा वितरण केन्द्र अगाडि धर्ना कार्यक्रमको भाषण गर्दा गर्दै ढलेका नेपाल ट्रेड युनियन महासंघ (जिफन्ट)का उपाध्यक्ष कमल गौतमको मृत्यु भएको छ।
उद्योगहरूमा विद्युत कटौती गरेको विरोधमा आयोजित कार्यक्रमलाई सम्बोधन गर्ने क्रममा गौतमको मृत्यु भएको हो। भाषण गर्दा गर्दै ढलेपछि उनलाई उपचारका लागि क्रिमसन अस्पताल पुर्याइएको थियो।
ट्रंक र डेडिकेटेड लाइनको विवादमा रुपन्देहीका उद्योगीहरूले आन्दोलनको घोषणा गरेका थिए।
