यशोधरामा जनस्वास्थ्य अधिकृतको दरबन्दी व्यवस्थापनको माग गर्दै ज्ञापन

कपिलवस्तु । जिल्लाको यशोधरा गाउँपालिकाका विभिन्न स्वास्थ्य संस्थाका प्रमुखहरूले गाउँपालिकाको स्वास्थ्य इकाईमा जनस्वास्थ्य अधिकृतको दरबन्दी व्यवस्थापन गर्न माग गर्दै ज्ञापनपत्र बुझाएका छन्।पालिका भित्र रहेका सातवटा स्वास्थ्य चौकीका प्रमुखहरुले प्रमुख प्रशासकिय अधिकृत निराजनराज लम्साललाई ज्ञापनपत्र बुझाएका हुन् ।
स्वीकृत संगठन संरचना अनुसार जनस्वास्थ्य अधिकृतको व्यवस्था हुनुपर्ने उल्लेख गर्दै उनीहरूले जनस्वास्थ्य अधिकृत दिपेन्द्र कुमार साहनी लाई यशोधरा गाउँपालिकाको स्वास्थ्य इकाईमा सरुवा गरी कामकाज गराउन आग्रह गरेका छन्।
स्वास्थ्य सेवा प्रवाहलाई प्रभावकारी, व्यवस्थित र गुणस्तरीय बनाउन जनस्वास्थ्य अधिकृतको आवश्यकता अत्यन्तै महत्वपूर्ण रहेको ज्ञापनपत्रमा उल्लेख गरिएको छ। हालको अवस्थामा दरबन्दी अभावका कारण स्वास्थ्य सेवा सञ्चालनमा समस्या देखिएको भन्दै त्यसको शीघ्र समाधान गर्न सम्बन्धित निकायसँग माग गरिएको छ।
ज्ञापनपत्रमा हस्ताक्षर गरेका स्वास्थ्य संस्था प्रमुखहरूले स्वीकृत दरबन्दी अनुसार कर्मचारी व्यवस्थापन गरी सेवा प्रवाहलाई सुदृढ बनाउन सम्बन्धित निकायको ध्यानाकर्षण गराएका छन्।