सिवाईसिसि परियोजना अन्तर्गत कार्यक्रमको संयुक्त अनुगमन

कपिलवस्तु, चैत ३० गते । दलित सामाजिक विकास केन्द्र र युनाइटेड मिशन टु नेपालको संयुक्त साझेदारीमा सञ्चालित ‘परिवर्तनका लागि बालबालिका, युवा तथा समुदाय (सिवाईसिसि)’ परियोजनाअन्तर्गत कार्यक्रमहरूको संयुक्त अनुगमन गरिएको छ ।
जिल्लाको मायादेवी गाउँपालिकामा विद्यालय बिदाका दिनहरूलाई अर्थपूर्ण र उत्पादनशील बनाउने उद्देश्यले सञ्चालन गरिएको होलिडे लर्निङ क्याम्प, समूहगत गतिविधि तथा व्यवसायिक तरकारी खेती कार्यक्रमको अनुगमन गरिएको हो ।
अनुगमन टोलीमा केन्द्रका अध्यक्ष सुरजमति पासी, कार्यकारी निर्देशक राम शरण रैदास, मायादेवी गाउँपालिकाका सामाजिक विकास अधिकृत बैतुल्ला धुनिया, भेटेनरी अधिकृत परमेश्वर यादव, सहायक कृषि अधिकृत राम विलास मुराउ, प्रशासन सहायक रमेश गुप्ता, शिक्षा शाखाका बद्री बेलबासे तथा सञ्चारकर्मीहरूको सहभागिता रहेको थियो ।
अनुगमनका क्रममा सहभागीहरूले कार्यक्रमले बालबालिका तथा युवाहरूमा सीप विकास, आत्मनिर्भरता र सामुदायिक सहभागिता अभिवृद्धि गर्न सकारात्मक योगदान पु¥याएको बताएका छन् ।
मायादेवी गाउँपालिकाका सामाजिक विकास अधिकृत बैतुल्ला धुनियाले यस्ता कार्यक्रमले विद्यालय बिदालाई सिर्जनात्मक र उपयोगी बनाउनुका साथै स्थानीय स्तरमा सीपमूलक गतिविधि प्रवद्र्धनमा टेवा पु¥याएको उल्लेख गरे । “होलिडे लर्निङ क्याम्प जस्ता कार्यक्रमले बालबालिकालाई नयाँ कुरा सिक्ने अवसर प्रदान गर्नुका साथै उनीहरूलाई व्यावहारिक ज्ञानतर्फ उन्मुख गराएको छ,” उनले भने ।
त्यसैगरी दलित सामाजिक विकास केन्द्रका कार्यकारी निर्देशक राम शरण रैदासले परियोजना मार्फत समुदायमा सकारात्मक परिवर्तन ल्याउने प्रयास भइरहेको बताए । “हामीले बालबालिका, युवा र समुदायलाई सशक्त बनाउने लक्ष्यसहित विभिन्न कार्यक्रम सञ्चालन गरेका छौं । यस्ता अनुगमनले कार्यक्रमको प्रभावकारिता मूल्यांकन गर्न सहयोग पुग्ने विश्वास लिएका छौं,” उनले बताए ।
कार्यक्रमको प्रभावकारिता थप बढाउन आगामी दिनमा अझ समन्वय र सहकार्य आवश्यक रहेको सहभागीहरूले जोड दिएका छन् ।