अवैध रूपमा भित्र्याइएका बैखी जातका साढे दुई क्विन्टल बढी माछा कपिलवस्तुको शिवराज नगरपालिका–६ गडगैडामा बरामद गरिएको छ।
सीमा क्षेत्र हुँदै भारतबाट अवैध रूपमा भारतीय नम्बर प्लेटका दुई मोटरसाइकलमा ल्याउँदै गरेको अवस्थामा प्रहरीले सो माछा बरामद गरेको हो। मोटरसाइलक चालकले प्रहरीलाई देखेपछि भागेका थिए। उनीहरूको खोजी कार्य जारी रहेको प्रहरीले जनाएको छ।
वडा प्रहरी कार्यालय चन्द्रौटाका प्रहरी निरीक्षक सन्तोष घिमिरले बरामद माछाको अनुमानित मूल्य करिब ८८ हजार रुपैयाँ रहेको बताए। बरामद माछा खाल्टोमा पुरेर नष्ट गरिएको छ।
